Hanoi “kujton mbështetjen e Rusisë në luftën e Vietnamit për pavarësi, i kushton rëndësi të madhe zhvillimit të një partneriteti strategjik me Moskën dhe e konsideron Rusinë një nga prioritetet e saj të politikës së jashtme”.
Kështu ka thënë presidenti vietnamez To Lam gjatë takimit me homologun e tij rus Vladimir Putin në një vizitë në kryeqytetin vietnamez, Hanoi.
“Ne kujtojmë gjithmonë me mirënjohje ndihmën dhe mbështetjen vetëmohuese që populli rus i dha Vietnamit në luftën tonë për pavarësi”, ka thënë To Lam, siç raportohet nga Ria Novosti.
“Vietnami ndjek një politikë të jashtme paqësore dhe të pavarur, si dhe një politikë të larmishme dhe shumë vektoriale, por në të njëjtën kohë i kushton rëndësi të madhe zhvillimit të miqësisë tradicionale me Rusinë dhe një partneriteti strategjik gjithëpërfshirës; e konsiderojmë Rusinë një nga prioritetet e politikës së huaj të Vietnamit”, ka shtuar lideri vietnamez.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
