Është ezauruar edhe raundi i tretë i votimeve për zgjedhjen e Presidentit të Republikës së Shqipërisë.
Kryetarja e Kuvendit të Shqipërisë, Lindita Nikolla, ka bërë të ditur se asnjë kandidaturë nuk është paraqitur, prandaj edhe raundi i tretë përmbyllet pa emër.
Nikolla njoftoi datën 4 qershor për raundin e katërt të votimeve, pas mbledhjes së Konferencës së Kryetarëve më 31 maj, ora 14:00.
Ndërkohë, Grupi Parlamentar i Partisë Demokratike, i kryesuar nga Enkelejd Alibeaj, e bojkotoi seancën e posaçme të kësaj dite. Asnjë deputet i grupit nuk ndodheshin në ulëset e tyre.
Kështu, thirrja e mazhorancës për një president konsensual, siç e parashikon Kushtetuta: dështoi.
Kjo e fundit, për faktin se Grupet Parlamentare të opozitës nuk kanë paraqitur asnjë kandidat.
Presidenti, tanimë, do të zgjidhet nga vetë mazhoranca, pasi në raundin e katërt, ata e zgjedhin me shumicë të thjeshtë, 71 vota.
Çfarë ndodhi?
Komisioni i Ligjeve, një orë përpara nisjes së seancës plenare miratoi raportin pa asnjë emër kandidat për zgjedhjen e Presidentit të Republikës së Shqipërisë.
Për të tretën herë radhazi, Komisioni u mblodh pa asnjë emër të dorëzuar pranë Kuvendit të Shqipërisë.
Konkretisht, në seancën e posaçme plenare, Komisioni përcjelli raportin.
Të dielën e 29 majit ishte dhe afati i fundit për dorëzimin e emrave kandidatë.
Por, edhe ky raund është djegur.
Mazhoranca ka paralajmëruar se propozimet e tyre do të vijnë vetëm në raundin e katërt dhe të pestë, duke i lënë kështu tre raundet opozitës.
Pavarësisht se, pas takimeve mes përfaqësuesve të opozitës dhe mazhorancës, u duk si një “dritë jeshile” për propozimin e kandidatëve, çdo gjë u hodh poshtë.
Sakaq, ishte parashikuar që katër do të ishin kandidatët e propozuar nga opozita.
Përkatësisht, dy nga Grupi Parlamentar i Partisë Demokratike dhe dy të tjerë nga Grupi Parlamentar i Aleancës për Ndryshim dhe Grupi për Demokraci dhe Integrim.
Ndërkohë prej këtyre emrave dy do të zgjidhen nga socialistët. Pas kësaj do të krijohej një grup i përbashkët prej gjashtë anëtarësh, në përbërje të së cilit do të ishte nga PD-ja dhe PS-ja.
Nga ky grup do të dilte një kandidat – i propozuar me firma të përbashkëta PD-PS – që do të dërgohej për miratim në Kuvendin e Shqipërisë.
Por mazhoranca nuk ishte dakort me propozimet e opozitës. Kështu palët u gjenden sërish pa asnjë konsensus.
Kujtojmë se raundi i parë i votimeve u përmbyll pa asnjë kandidat. Po ashtu, edhe i dyti dhe i treti.
Çfarë parashikohet në Kushtetutë?
Procesi për zgjedhjen e Presidentit kalon në pesë raunde. Në tri raundet e para, ai duhet të zgjidhet me tri të pestat e votave – pra 84 vota.
Kushtetuta parashikon se, nëse në fund të tri raundeve nuk kemi një president konsensual, atëherë Kreu i Shtetit zgjidhet me 71 vota.
Sipas saj, socialistët mund ta zgjedhin vetë presidentin në raundin e katërt.
Shumica e kërkuar është e thjeshtë, 71 vota pro dhe ata i kanë me formatimin e parlamentit.
Presidenca e shtatë në Shqipëri do të përmbyllet më 24 korrik të vitit 2022.
Në krye të shtetit, që prej 2017-ës, është Ilir Meta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Dialogu politik dhe çështjet rajonale në fokus të takimit Hasani-Milanoviç
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Favorizoi djalin e Tom Doshit – Reagon Policia pas pezullimit të shefit të qarkullimit rrugor në Lezhë
Lajmet kryesore
-
Dialogu politik dhe çështjet rajonale në fokus të takimit Hasani-Milanoviç
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Ku mund ta zhvendosë Hamasi degën e tij politike?
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD