“Zgjidhja është një njeri që përmbush detyrimet e shqiptarëve dhe për ta çliruar zyrën nga kthetrat e të shkuarës”.

Kjo do të ishte deklarata e kryeministrit të Shqipërisë, Edi Rama, fill pas mbarimit të seancës së posaçme plenare për raundin e dytë të votimit – e cila u ezaurua pa kandidat – për zgjedhjen e Presidentit të Republikës së Shqipërisë.

Sipas Ramës, opozita po merret për profilin, por zgjidhja nuk është kjo.

“Duhen dy për tango thonë, nuk mund të bëjmë tango vetëm. Nuk kemi partner”, tha Rama për opozitën.

Sipas Kryeministrit politika është ndërveprim dhe dialog.

Ndër të tjera ai theksoi se Grupi Parlamentar i Partisë Socialiste, ende nuk ka vendosur për emër konkret.

“Ne s’kemi vendosur asgjë duke dëgjuar të gjithë, por e kemi gjithmonë më të qartë se nuk kemi partner. Presim raundin e tretë”, e përmbylli Rama.