Presidenti i Maltës viziton sot Kosovën

Presidenti i Maltës, George Vella, gjatë ditës së sotme do të ketë një vizitë zyrtare në Kosovë, së bashku me delegacionin e tij shoqërues.

Policia e Kosovës, përmes një komunikate, ka njoftuar se gjatë kësaj vizite, do të ketë ndërprerje të përkohshme të disa segmenteve rrugore.

“Policia e Kosovës,  gjatë kësaj vizite do të kujdeset për ofrimin e sigurisë dhe mirëmbajtjen e rendit dhe qetësisë publike gjatë kohës së lëvizjes së eskortës dhe qëndrimit të delegacionit shtetëror në Kosovë”, thuhet në komunikatë.

“ Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore), të disa segmenteve rrugore, kryesisht në kryeqytet ku pritet të kalojë eskorta, si dhe në lokacione të caktuara ku parashihen të realizohen aktivitete”, vazhdon komunikata.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.