Premtimi interesant i Berlusconi-t: Nëse fitoni me një ekip të madh, do t’ju sjell një autobus me plot gra në dhomat e zhveshjes (VIDEO)
Presidenti i klubit të Monza-s, Silvio Berlusconi, u ka bërë një premtim të pazakontë futbollistëve të klubit të tij.
Në darkën e Krishtlindjeve, ish-kryeministri i Italisë, mori mikrofonin dhe tha që nëse djemtë e tij fitojnë ndaj një ekipi të madh, atëherë do t’ju sjell atyre një autobus me gra në dhomat e zhveshjes.
“Vendosa të shtoj një stimulim shtesë, kështu që u thashë djemve që do të luani me Milan-in , Juventus-in , etj., kështu që nëse mundni një nga këto skuadra të mëdha, do t’ju bëj të përshëndesni në dhomat e zhveshjes me një autobus plot me gra”, ishte premtimi i Berlusconi-t për futbollistët e Monza-s.
Ish-presidenti i klubit të Milan-it, lavdëroi punën e trajnerit të tij, të cilin e promovoi nga skuadra U-19, pasi shkarkoi Giovanni Stroppan në shtator, dhe bëri që salla shpërthente në të qeshura me batutat e tij.
💣 Silvio #Berlusconi show alla festa di #Natale del #Monza 👀 pic.twitter.com/Ws7OXxZbcv
— Nicolò Schira (@NicoSchira) December 13, 2022
“Ne gjetëm një trajner të ri, i cili ishte në ekipin tonë të të rinjve, ai është i mirë, i zgjuar, i sjellshëm dhe i aftë për të stimuluar djemtë tanë,” tha Berlusconi.
Kujtojmë që ish-dyshja e Milan-it, Berlusconi dhe Galliani, tani janë në krye të Monza-s, që arritën ta promovojnë për herë të parë në Serie A.
Monza nuk e nisi aspak mirë aventurën e tyre të parë në elitën e futbollit italian, derisa fitoren e parë e morën pikërisht nga Juvevntus-i më 18 shtator.
Që nga ajo ndeshje, ata patën rezultate të mira, të cilët momentalisht pozicionohen në vendin e 14-të me 16 pikë të grumbulluara.
Monza e rinisë sezonin më 4 janar, ku do të përballet në udhëtim te Fiorentina.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog