Potter i Chelsea-t mposhtet nga ish klubi i tij, Tottenham mposht Bournemouth-in në frymën e fundit
![](https://albanianpost.com/wp-content/uploads/2022/10/Brighton.jpg)
Ndeshjet e së shtunës në Premier League ishin interesante dhe të befasishme.
Dueli mes Brighton dhe Chelsea-t përfundoi me fitoren e këtyre të parëve me rezultat 4:1.
Trajneri momental i Chelsea-t, Graham Potter, u mposht nga ish skuadra e tij, të cilët i la këtë vit.
Ndeshja filloi shumë mirë për Brighton-in, pasi Leandro Trossard shënoi në minutën e pestë, për epërsinë e vendasve.
Pas vetëm nëntë minutave, Brighton fituan epërsinë e dyfishtë, pas autogolit të Loftus-Cheek.
Pak para përfundimit të pjesës së parë, Brighton marrin epërsinë e trefishtë, ku Chelsea shënon përsëri autogol, por këtë herë me anë të Chalobah.
Chelsea e nisën mirë pjesën e dytë, pasi shënuan në minutën e 48-të, me Kai Havertz, por ky gol nuk i motivoi ekipin sa duhet.
Në anën tjetër, Tottenham ka fituar kundër Bournemouth me rezultat 2:3
Pjesa e parë përfundoi me vetëm një gol të Bournemouth, të cilët shënuan në minutën e 22-të, me anë të Moore.
Në pjesën e dytë, në minutën e 50-të, Moore shënoi përsëri për të dyfishuar epërsinë.
Në minutën e 57-të, Sessegnon ngushtoi epërsinë për Tottenham.
Dhe në minutën e 73-të, ishte Ben Davies, ai i cili i dha golin e barazimit mysafirëve.
Pak para përfundimit të ndeshjes, në minutën e 92-të, ishte Bentacur ai i cili shënoi për t’i dhënë fitoren Spurs-ave.
Ndeshjet e tjera në Premier League, përfunduan kështu:
Brentford 1:1 Wolves
Crystal Palace 1:0 Southampton
Newcastle 4:0 Aston Villa
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com