Lajme

Ponosh: Kurti e Vuçiç po e kërkonin njëri-tjetrin me qiri


Zdravko Ponosh

Ish-shefi i Shtabit të Forcave të Armatosura të Serbisë, Zdravko Ponosh, beson se presidenti i Serbisë, Aleksandër Vuçiç, ka pranuar gjithçka që i është kërkuar në Bruksel “me kusht që të mos nënshkruaj në të njëjtë letër së bashku me kryeministrin e Kosovës, Albin Kurti”.

Kjo, sipas tij, do të thotë se Vuçiç pranon njohjen de facto dhe njohjen de jure po ja lë dikujt tjetër.

“Janë të mundshme modalitetet të ndryshme, siç është betimi publik i Vuçiç-it se do të respektojë gjithçka edhe pse nuk ka nënshkruar marrëveshje apo modaliteti kur Kurti e Vuçiç nënshkruajnë dokumente të veçanta me Bashkimin Evropian”, ka deklaruar Ponosh, kur është pyetur për rezultatin e takimit të 21 tetorit.

Ponosh, ka vlerësuar se Vuçiç dhe Kurti janë “Yin-Yang-i” – lidhja midis së mirës dhe të keqes – i fatkeqësisë së Kosovës.

“Kurti e Vuçiç po e kërkonin njëri-tjetrin me qiri. Njëri do të donte të nënshkruante, tjetri jo, dhe të dy po përpiqen ta zbatojnë marrëveshjen. Kjo vlen edhe për Statutin e Asociacionit të Komunave me Shumicë Serbe. Kurti e shpëtoi Vuçiç-in, sepse po përpiqej ta poshtëronte duke këmbëngulur që ai ende ta nënshkruante atë letër me ceremoni, edhe pse e dinte se nuk duhej”, ka shtuar ai.

Sipas Ponosh, Vuçiç do të mundohet të ndërmarrë disa hapa konstruktivë në dy javët e ardhshme, sepse i intereson që diçka “të lindë nga ajo marrëdhënie e çuditshme. Serbia nuk do të përfitojë nga këto hapa”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore