Kryeministri i Kosovës, Albin Kurti, të enjten, ka takuar ministren e Jashtme të Finlandës, Elina Valtonen, e cila po qëndron në Kosovë për një vizitë zyrtare.
“Me Finlandën kemi marrëdhënie të shkëlqyeshme”, ka shkruar Kurti në platformën sociale, Facebook, duke shtuar se “ajo është mike e hershme e popullit dhe Republikës së Kosovës”.
Në vlerësimin e Kurtit politikat për zhvillim të qëndrueshëm dhe përgjegjësi sociale të Finlandës “janë shembull dhe frymëzim për qeverisjen tonë”.
“I jemi mirënjohës për mbështetjen e pa rezervë dhe kontributin e vazhdueshëm si në rritjen ekonomike e progresin demokratik, ashtu edhe në afirmim ndërkombëtar, mbrojtje dhe siguri”.
Valtonen vizitën e saj në Kosovë e nisi nëpërmjet një takimi me ministren e Punëve të Jashtme të Kosovës, Donika Gërvallën.
Ajo të enjten e takoi edhe presidenten e Kosovës, Vjosa Osmanin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë
