Pas ngjarjes së rëndë të ndodhur në Kosovë, ku tre persona humbën jetën dhe një tjetër u plagos ka reaguar edhe politika shqiptare.
Presidenti i Shqipërisë, Ilir Meta, së bashku me kryeministrin Edi Rama, kryedemokratin, Lulzim Basha, dhe ministren për Evropën dhe Punët e Jashtme, Olta Xhaçka, u kanë shprehur ngushëllimet më të sinqerta dhe solidaritetin e plotë familjeve të të vrarëve dhe të gjithë popullit të Kosovës.
“Të lënduarit i uroj shërim sa më të shpejtë dhe përgëzoj ekipet mjekësore për përkushtimin dhe profesionalizmin, që po dëshmojnë”, shkruan Meta në postimin e tij.
Presidenti ka theksuar se, është besimplotë se institucionet përgjegjëse dhe drejtësia në Republikën e Kosovës do të zbulojnë sa më parët autorët, që sipas tij, meritojnë ndëshkimin më të ashpër ligjor.
Nga ana tjetër, Rama shkruan se “jetët e marra në Kosovë nga plumbat e një egërsie që meriton ndëshkimin ekstrem të drejtësisë, na kanë brengosur të gjithëve”.
Ai u ka dhënë kurajo autoriteteve në këtë moment sfidues.
Jetët e marra në Kosovë nga plumbat e një egërsie që meriton ndëshkimin ekstrem të drejtësisë, na kanë brengosur të gjithëve. Ngushëllime vëllazërore familjeve të goditura në zemër nga humbja absurde. Kurajo e mbështetje institucioneve të Kosovës në këtë moment sfidues.
— Edi Rama (@ediramaal) November 26, 2021
Ndërkohë Basha në postimin e tij ka shprehur besimin se “autoritetet do të bëjnë gjithçka për zbardhjen dhe vënien para drejtësisë të autorëve të këtij krimi makabër”.
Xhaçka e ka cilësuar autorin e ngjarjes si “një dorë kriminale që meriton dënimin më të ashpër që parashikon ligji”.
Pikëllim e dhimbje për tragjedinë në #Kosovë të shkaktuar nga një dorë kriminale që meriton dënimin më të ashpër që parashikon ligji.
Mendjet e lutjet tona ju shkojnë familjeve të viktimave të pafajshme!
U prehshin në paqe!🙏— Olta Xhaçka🇦🇱 (@xhacka_olta) November 26, 2021
Çfarë ndodhi në Deçan?
Sipas informacioneve paraprake, një autobus me nxënës u sulmua me armë, ku për pasojë tre persona gjetën vdekjen.
Lajmin për sulmin e autobusit me armë zjarri për Albanian Post e ka konfirmuar edhe zëdhënësi i policisë për rajonin e Pejës, Fadil Gashi.
“Sulmi ka ndodhur në fshatin Gllogjan ndërsa ai është kryer nga persona të panjohur deri më tani”, ka treguar Gashi, i cili ka mundur të konfirmojë se deri tani dihet për dy të plagosur
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Rama sqaron për ‘La Stampa’ emisionin e Rai-t, goditjen për Melonin dhe përfshirjen e të vëllait në dokumentar
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Fitimet e investitorëve të huaj arrijnë rekord në Shqipëri
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Politico: Rreziku që vjen me zgjedhjen e Belerit si kandidat për zgjedhjet Evropiane
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Bislimi e Petkoviç sërish në Bruksel për dinarin