Në Komunën e Zveçanit nga Policia e Kosovës, në dy raste të ndara janë sekuestruar pushka të gjuetisë.
Lajmi është bërë i ditur nga policia përmes raportit 24 orësh, ku rastet janë vlerësuar si “armëmbajtje pa leje”.
“Njësitë relevante policore nga e dyshuara femër kosovare në shtëpinë e saj kanë sekuestruar një pushkë gjuetie me 15 fishekë. Pas intervistimit në konsultim me prokurorin lënda e rastit procedohet në procedurë të rregullt”, thuhet në raport për rastin e parë.
Teksa, për rastin tjetër është thënë se sekuestruar edhe një pushkë me mbi 70 fishekë.
“Njësitë relevante policore nga i dyshuari mashkull kosovar në shtëpinë tij kanë sekuestruar një pushkë gjuetie me 20 fishekë dhe një pushkë me 72 fishekë. Pas intervistimit në konsultim me prokurorin i dyshuari është liruar, lënda e rastit procedohet në procedurë të rregullt”.
Ndërkaq, në Komunën e Leposaviqit është raportuar për zjarr.
“Dy ankues, një femër dhe një mashkull kosovar kanë informuar se në rrethana të panjohura në zjarr janë përfshirë dy stalla, disa automjete, disa pajisje të automjeteve dhe një shtëpizë e vogël. Lidhur me rastin zjarrfikësit kanë shuar zjarrin, ndërsa njësitë relevante policore janë duke e hetuar rastin”.
Në Veri të Mitrovicës, sipas raportit ka pasur përleshje, por që rasti ka shkuar në procedurë të rregullt.
“Është shoqëruar në stacionin policor një person mashkull kosovar, pasi që kishte sulmuar fizikisht viktimën mashkull kosovar. Viktima ka pranuar tretman mjekësor. Me vendim të prokurorit pas intervistimit të palëve rasti shkon në procedurë të rregullt”.
Teksa në Komunën e Obiliqit, policia ka kryer një aksidon në rastin me kontrabandim me mallra.
“Në vazhdën e luftës kundër dukurive negative dhe kontrabandës me datë 11.06.2024 Policia e Kosovës, respektivisht njësitë relevante policore në bashkëpunim me institucionet kompetente si Prokuroria, Dogana dhe Administrata Tatimore e Kosovës kanë zbatuar urdhërin e gjykatës, ku janë kontrolluar gjashtë lokacione të ndryshme dhe janë sekuestruar 10480 copë parfume në vlerë prej 94320 euro dhe dëshmi tjera materiale”.
Në cilësinë e të dyshuarve është thënë se janë intervistuar tre persona të cilët në konsultim me prokurorin janë liruar në procedurë të rregullt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
