Policia e Shtetit, përmes strukturave të saj, ka bërë të mundur arrestimin e tre personave dhe sekuestrimin e 1 mijë e 7 tableta ekstazi.
Bëhet fjalë për shtetasit: K. V., 23 vjeç, G. Gj., 25 vjeç, E. M., 17 vjeç, të tre banues në Tiranë.
Lajmi u bë i ditur nga autoritetet, duke cituar njoftimin zyrtar për shtyp.
Kapja u finalizua me sukses, si rezultat i një hetimi disamujor.
Në përmbyllje të operacionit policor të koduar “Punisher”, u sekuestruan gjithashtu dy automjete, dy aparate celulare si dhe dy peshore elektronike.
Operacioni u mor përsipër nga Seksioni për Hetimin e Narkotikëve në DVP Tiranë.
Autoritetet shpallën në kërkim edhe një bashkëpunëtor të katërt me iniciale A.B.
Nga veprimet hetimore ka rezultuar se këta shtetas, në bashkëpunim me njëri-tjetrin, pasi siguronin lëndën narkotike ekstazi, e shpërndanin atë në zona të ndryshme të Tiranës, kryesisht në afërsi të Bllokut, Unazës së Re dhe ish-stacionit të Trenit.
Materialet i kaluan Prokurorisë, për veprime të mëtejshme procedurale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
