Policia e Kosovës, të premten ka nisur hetimet për shfaqjen e disa fotografive me mbishkrime të ndryshme në përkrahje të terroristëve të cilët morën pjesën në sulmin terrorist të 24 shtatorit.
Zëvendësdrejtori i Policisë së Kosovës për Veriun, Veton Elshani, ka njoftuar se fotografi të tilla me mbishkrime janë hasur në disa lokacione në Veri.
Sipas tij për momentin nuk ka të dyshuar, ndërsa rasti është iniciuar nga Prokuroria Speciale si “Nxitje e urrejtjes dhe përçarjes”.
Një ditë pas ngritjes së aktakuzës kundër 45 terroristëve në rastin e sulmit terrorist të 24 shtatorit në Banjë të Komunës së Zveçanit, të enjten mbrëma në Veri të Kosovës janë shfaqur disa fotografi me mbishkrime të ndryshme në përkrahje të terroristëve.
“Të gjithë jemi Milan-a dhe vëllezër nga Banja, ju presim në Veri”, shkruhet në fotografit e vendosura nëpër vende të ndryshme në Zubin Potok, Mitrovicë të Veriut, Zveçan e Leposaviq.
“Komandant vetëm thuaj, fluturojmë si plumbat”, shkruhet ndër të tjera në këto fotografi.
Në Veri shfaqen fotografi me mbishkrime në mbështetje të terroristëve të Banjës
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Haxhiu garanton: Asnjë ministër s’krijoi pasuri duke e mbajtur këtë pozitë, qytetarët e dinë
-
Haxhiu njëherë thotë se ura s’është për dialog, pastaj pranon se Bislimi diskutoi në Bruksel për urën
-
Autogoli i Agim Ademit në minutën e 90-të
-
NATO edhe pas takimit me Bislimin konfirmon se do ta vazhdojë prezencën në urën mbi Ibër
