Efektivët e Policisë së Shtetit kanë bërë arrestimin dhe shoqërimin e ish-oficerit të UÇK-së, Dritan Goxhaj, të hënën e 31 korrikut për qëllim ekstradimi me kërkesë të Gjykatës Speciale, duke cituar njoftimin e autoriteteve shqiptare.
Sipas Policisë, autoritetet kanë vendosur lejimin e kontrollit fizik dhe të banesës së Goxhajt, si dhe caktimin e masës së sigurimit personal ‘Arrest në burg’, me qëllim ekstradimi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë.
Gjykata Speciale e Kosovës kishte lëshuar urdhër-arrest për Goxhajn, i cili ka qenë shoqërues i trupave amerikane gjatë vitit 1999.
Policia ushtroi kontroll, me kërkesë të Gjykatës Speciale, e cila më herët ka dërguar në pranga zyrtarë dhe ish-zyrtarë të lartë të Prishtinës.
Sipas të dhënave paraprake, bëhet me dije se arrestimi i Goxhajt lidhet me pretendimin se ka nxjerrë emrat e dëshmitarëve të disa çështjeve penale, të ngritura pas luftës në Kosovë.
Goxhaj iu bashkua UÇK-së si oficer i Ushtrisë Shqiptare në shkollën e aviacionit dhe ka pasur autorizimin e Shtabit të Përgjithshëm që të mbante kontakte me komandën e forcave amerikane në Shqipëri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ndërsa Franca përgatitet për të votuar, cilat janë opsionet e Macron?
-
Banka e Shqipërisë ndërhyn në tregun e parasë, blen 32.6 milionë euro
-
Intervistë nga burgu me kundërshtarin rus Ilja Yashin: “Regjimi i Putinit do të përfundojë si BRSS”
-
“Autorët e Banjës duhet të mbajnë përgjegjësi” – Qëndrimet e O’Brien-it dhe Lajçak-ut për Radojiçiç-in dhe terroristët e tjerë