Kryetarja konservatore e komitetit britanik të përzgjedhur për punët e jashtme ka nisur një sulm të ashpër ndaj Liz Truss lidhur me udhëtimin e planifikuar në Tajvan.
Ajo e ka quajtur atë “lloji më i keq i diplomacisë në Instagram”.
Alicia Kearns mendon se udhëtimi i Truss i planifikuar për javën e ardhshme është pak më shumë se një projekt i kotë që synon të mbajë profilin e saj të lartë pas periudhës së shkurtër si kryeministre vitin e kaluar.
Sakaq, Truss po planifikon të udhëtojë për të treguar “solidaritet” me popullin tajvanez në mes të agresionit nga Pekini.
Tajvani është një demokraci vetëqeverisëse, por Pekini e konsideron si një provincë renegate që duhet të ribashkohet me kontinentin.
Udhëtimi ka potencialin të shqetësojë qasjen e balancuar me kujdes të qeverisë britanike ndaj marrëdhënieve kineze, me sekretarin e jashtëm James Cleverly që argumenton se Mbretëria e Bashkuar nuk duhet “të heqë qepenat mbi Kinën”.
Sipas Kearns, udhëtimi në fjalë është performativ, jo thelbësor. Është shembulli më i keq i diplomacisë në Instagram.
Ajo ka shtuar po ashtu se udhëtimi ka të ngjarë ta bëjë jetën më të vështirë për popullin tajvanez, të cilët tashmë duhet të jetojnë me një nivel më të lartë të veprimit ushtarak kinez në pragun e tyre pas vizitës nga Nancy Pelosi, atëherë kryetarja e Dhomës së Përfaqësuesve të SHBA-ve.
Pekini iu përgjigj asaj vizite duke dërguar anije luftarake dhe avionë ushtarakë për të rrethuar ishullin dhe duke gjuajtur raketa mbi të.
“Është thellësisht e padobishme sepse përshkallëzon situatën normale në Tajvan”, ka thënë Kearns.
“Tajvanezët tashmë duhet të jetojnë me më shumë manovra ushtarake kineze për shkak të vizitës së Nancy Pelosit. Liz Truss nuk ka më asnjë ndikim – kjo ka të bëjë më shumë me mbajtjen e saj të rëndësishme”, ka shtuar ajo.
Ndërkaq, udhëtimi pason një në Washington muajin e kaluar, ku ajo mbajti leksionin vjetor të Margaret Thatcher për lirinë për qendrën e mendimit konservator, Heritage Foundation.
Ajo e përdori atë fjalim për të argumentuar se rënia e saj kishte qenë rezultat i një komploti nga interesat e veta brenda qeverisë.
Qeveria sakaq nuk ka komentuar veçse ka thënë se nuk do të përfshihet në “vendimet e pavarura të udhëtimit të një qytetari privat që nuk është anëtar i qeverisë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ulutas pas vizitës në selinë e NATO-s: Është e mundur vetëm një zgjidhje politike që respekton të drejtat e të gjitha komuniteteve
-
Konfiskohen pesë armë zjarri në Zveçan
-
“U shkarkova nga kryetari i instaluar nga Beogradi”, djali i axhës së Prindon Sadriut shkarkohet nga pozita e drejtorit të teatrit të Preshevës
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Politico: Rreziku që vjen me zgjedhjen e Belerit si kandidat për zgjedhjet Evropiane
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Bislimi e Petkoviç sërish në Bruksel për dinarin