Ndeshja hapëse e Grupit B në Euro 2024 mes Spanjës dhe Kroacisë ka treguar 45 minuta të para të zjarrta, por me spanjollët që po fitojnë 3-0.
Spanja duket totalisht një super fuqi përballë kroatëve në keto 45 minuta të para.
Skuadra e Luis de la Fuente e nisi shumë mire takimin, pavarësisht se Kroacia më vonë do të merrte disi frenat e lojës. Por, atëherë kur kroatët dukeshin se po gjenin formën e mirë do të vinte goli i parë i takimit.
Alvaro Morata i shpëtoi mbulimit të mbrojtjes kroate në minutën e 29 dhe pas një sprinti me top arriti të kalonte portierin Dominik Livakovic.
Vetëm Cesc Fabregas (8 – 3 gola, 5 asistime) ka qenë i përfshirë në më shumë gola në Euro për Spanjën Morata (7 – 7 gola, po aq sa Fernando Torres dhe David Silva).
Tashmë Morata ka shënuar në të dy skajet e këtij stadiumi, “Olympiastadion”. Goli tjetër erdhi për Juventus-in në finalen e Champions League 2015.
Vetëm tre minuta pas golit të parë spanjoll, Fabian Ruiz, njeriu asist te ai gol, arriti të shënonte të dytin, çka tregoi edhe një herë problemet në prapavijë për ballkanasit.
Goli i tretë për Spanjën edhi nga mbrojtësi i djathtë, Dani Carvajal, në minutën e dytë shtesë, me yllin e Real Madrid-it që realizoi pas asistimit nga Lamine Yamal.
Gjatë kësaj periudhe, Kroacia pati dy-tre raste të mira shënimi, por portieri spanjoll Unai Simon u tregua në lartësinë e duhur për të ndaluar rastet kroate.
Një statistikë interesante është se Yamal, talenti i Barcelona-s, u bë lojtari më i ri që debuton në Euro, në moshën 16 vjeç e 338 ditë.
Ndërsa, Luka Modric është bërë lojtari i parë që ka luajtur në pesë turne të Euro-s për Kroacinë. Gjithsej 13 paraqitjet e tij në përgjithësi është më shumë se çdo lojtar tjetër kroat.
Kujtojmë se takimi tjetër në këtë grup është ai mes Italisë dhe Shqipërisë, i cili do të fillojë nga ora 21:00.
Skuadrat e nisën ndeshjen me formacionet:
Spanja: Simon; Carvajal, Le Normand, Nacho, Cucurella; Ruiz, Rodri, Pedri; Yamal, Morata, Williams.
Kroacia: Livakovic; Stanisic, Sutalo, Pongracic, Gvardiol; Brozovic, Kovacic, Modric; Majer, Budimir, Kramaric.
Notat e lojtarëve për pjesën e parë:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
