Shqipëria

Pipero: Situata në spitale e qëndrueshme, po preken më shumë të rinj


Dy javët e fundit situata në katër spitalet Covid në Shqipëri paraqitet e qëndrueshme. Këtë e ka bërë të ditur mjeku infeksionist Pëllumb Pipero, më 18 janar.

Pipero thotë se qëndrueshmëria në spitale ka ardhur nga rritja e numrit të të infektuarve të grupmoshës së re.

Situata është më e qetë. Ka më pak raste të shtruara. Përgjithësisht moshat e ekspozuara gjatë kësaj periudhe janë të rinjtë”, ka deklaruar ai.

Ekspertët flasin edhe për një ulje të agresivitetit të virusit në javët e fundit. Që prej fillimit të pandemisë afërsisht 10 mijë pensionistë ose 6% prej tyre nga 650 mijë në vend,  janë prekur nga Covid-19.

Në 10 muaj pandemi në Shqipëri janë prekur 68 mijë persona me Covid-19. Ekspertë thonë se mosha e tretë deri tani është prekur më pak pasi është mbrojtur më shumë nga Covid-19./AlbanianPost.com

/Albanianpost.com


Lajmet kryesore