Milan-i mori një barazim zhgënjyes me Romën në ndeshjen e javës së 17-të në Serie A.
Kuqezinjtë ishin duke e fituar ndeshjen me shifrat 2:0 deri në minutën e 85-të, kur më pas Ibanez ngushtoi shifrat, e krejt në fund, Tammy Abraham e barazoi rezultatin.
Pas kësaj ndeshje, foli në konferencën për media trajneri i Milan-it, Stefano Piloi, i cili u shpreh tejet i dëshpëruar dhe tha se lojtarëve të tij iu humbi koncentrimi.
“Është një keqardhje e madhe të dalësh nga kjo lojë me vetëm një pikë. Pas një ndeshje si kjo, unë u them lojtarëve se duhet të vazhdojmë të luajmë kështu, por që ndeshjet përfundojnë në minutën e 95-të dhe ju duhet të qëndroni të përqendruar gjatë gjithë kohës”, tha trajneri i Milan-it.
“Nëse pëson dy gola në ndeshje të caktuara, ku e dinim se kundërshtarët tanë ishin shumë të fortë, kjo do të thotë se duhej më shumë fokus”, shtoi Pioli.
“Është e vështirë të flasësh me skuadrën në këtë moment, pasi luajtëm mirë dhe deri në minutën e 87-të dhe merituam plotësisht fitoren, por më pas i vështirësuam gjërat për veten tonë”, ka deklaruar Stefano Pioli.
Me këtë barazim, kuqezinjtë tani e humbën edhe vendin e dytë në tabelë që dhe ritmin që kishin duke e ndjekur Napolin.
Momentalisht, skuadra e Pioli-t numëron 37 pikë në vendin e tretë, aq sa ka edhe Juventus-i i vendit të dytë, ndërsa Napoli është shkëputur në 44 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Me mbi 75% e votave të numëruara “Fronti Evropian” ka 20 mijë vota më shumë se “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
Kasami: Nga nesër mund të shpallim koalicionin e ndryshimit me VMRO-DPMNE