Pica vegjetariane është një pjatë shumë e shëndetshme, sepse ka shumë pak kolesterol dhe është burim i mirë i fibrës dietike, manganit dhe vitaminës C. Gatim i shpejtë dhe i lehtë, ku do t’ju shijojë shumë kombinimi i perimeve! Mënyrë perfekte për t’ua prezantuar dhe mësuar perimet fëmijëve të vegjël.
Përbërësit: brumë pice, salcë domateje, 1 patëllxhan, 1 kungull jeshil, 1 domate e vogël, 1/4 spec jeshil, 1/4 spec i kuq, 4 kërpudha Champignon, disa gjethe borziloku, disa gjethe majdanozi, 2 gjethe sallatë jeshile, 2 lugë gjellë vaj të aromatizuar.
Përgatitja
Hapim brumin e picës në një tavë me madhësi 30×40 cm dhe e pjekim në furrë për 5 minuta në temperaturën 200 gradë.
Ndërkohë marinojmë të gjitha perimet e prera në feta me vajin e aromatizuar dhe me pak kripë.
Vendosim në zjarr një tigan skare, presim sa të nxehet mirë dhe më pas kalojmë në të perimet për pak sekonda.
Hapim salcën e domates mbi brumin e picës, dhe vazhdojmë shtrojmë perimet e marinuara.
Shtojmë gjethet e borzilokut, majdanozit dhe sallatën e grirë.
E pjekim picën për 10 minuta në temperaturën 180 gradë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
O’Brien kërkon nga Kurti “progres urgjent” për Asociacionin
-
Dokumentari i Rai-t, Rama: Kur sulmohet Shqipëria, e pamundur të mos reagoj
-
Deri në orën 17:00 votuan 42.38% e qytetarëve, thotë KSHZ
-
Kushtëzimi i KiE-së me Asociacionin nga Franca e Gjermania po ndodh me pajtimin dhe bekimin e plotë të Qeverisë