Pesë përfitimet shëndetësore nga konsumimi i mishit të derrit

Mishi i derrit është emri i mishit të marrë nga një derr shtëpiak dhe është një nga mishrat më të konsumuar në mbarë botën.

Në fetë si Islami dhe Judaizmi, është e ndaluar të hahet mish derri, shkruan HealthGuide, transmeton AlbanianPost.

Konsumimi i tij, ka edhe benificionet e veta, pasi përmban vitamina dhe minerale thelbësore, dhe ky artikull ju ofron vlerat ushqyese dhe përfitimet shëndetësore të mishit të derrit.

Nxit funksionin e tiroides

Mishi i derrit është i pasur me selen, i cili është shumë i rëndësishëm për përmirësimin e funksionit të tiroides.

Gjëndra tiroide është një gjëndër e rëndësishme hormonale që luan një rol vendimtar në metabolizmin, rritjen dhe zhvillimin e trupit të njeriut.

Ngrënia e ushqimeve të pasura me selen është një parakusht për parandalimin e sëmundjeve të tiroides dhe ruajtjen e shëndetit të përgjithshëm.

Ruan masën muskulore

Me kalimin e moshës, mbajtja e masës muskulore bëhet më e vështirë.

Pa një dietë të duhur, masa muskulore degjeneron natyrshëm dhe mund të çojë në shumë probleme shëndetësore të lidhura me moshën.

Një dietë e duhur që mund të ruajë masën e muskujve duhet të jetë e pasur me proteina.

Mishi i derrit është një burim i shkëlqyer i proteinave me cilësi të lartë. Ato përmbajnë të gjitha aminoacidet dhe për këtë arsye janë blloqe ndërtimi të përsosur për krijimin e muskujve të rinj dhe ruajtjen e masës muskulore.

Përmirëson funksionin dhe performancën e muskujve

Mishi i derrit mund të përmirësojë funksionin e muskujve dhe performancën e ushtrimeve.

Kjo pasi që mishi i derrit nuk është i pasur vetëm me proteina të cilësisë së lartë, por gjithashtu me një sërë lëndësh ushqyese të shëndetshme që janë të dobishme për muskujt tuaj, si taurina, kreatina, glutationi dhe beta-alanina.

Beta-alanina ndihmon trupin tuaj të formojë një përbërje të quajtur carnosine, e cila është e rëndësishme për funksionin e muskujve. Prandaj, kjo e bën mishin e derrit një nga ushqimet më të mira për ndërtim të trupit me muskuj.

Siguron trupin me energji

Për të rritur energjinë, duhet të merrni mjaftueshëm hekur.

Hekuri ndihmon në transportimin e oksigjenit kudo ku trupi juaj ka nevojë për të duke u lidhur me qelizat e kuqe të gjakut.

Simptomat e zakonshme të mungesës së hekurit janë energjia e ulët dhe lodhja. Megjithatë, mishi i derrit është një burim i dukshëm i hekurit.

Përveç që përmban hekur, mishi i derrit është gjithashtu një burim i mirë i vitaminave B si tiamina dhe niacina. Tiamina (vitamina B1) dhe niacina (vitamina B3) ndihmojnë qelizat e trupit të shndërrojnë karbohidratet në energji.

Përmirëson funksionin e trurit dhe imunitetit

Mishi i derrit është i pasur me zink, i cili është një mineral thelbësor për një tru të shëndetshëm dhe sistem imunitar.

Kërkohet që sistemi imunitar i trupit të funksionojë siç duhet dhe gjithashtu luan një rol në ndarjen e qelizave, rritjen e qelizave, shërimin e plagëve dhe ndarjen e karbohidrateve.

Gjithashtu, zinku është thelbësor për zhvillimin normal të sistemit nervor qendror dhe rrit funksionin e trurit.

Përndryshe, mishi i derrit është një lloj mishi i kuq që është i pasur me proteina, vitamina dhe minerale, por gjithashtu është i lartë në yndyrë dhe kolesterol.

Në veçanti, disa pjesë të mishit të derrit janë të pasura me acide yndyrore të ngopura, të ashtuquajturat yndyrna të këqija. Yndyrnat e tepërta të ngopura mund të rrisin rrezikun e zhvillimit të problemeve të zemrës, obezitetit dhe sëmundjeve të tjera afatgjata.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.