Është përuruar ditën e premte shtatorja e legjendës së futbollit të Kosovës, Fadil Vokrri, në Prishtinë, në hyrje të stadiumit që mban të njëjtin emër.
Të pranishëm në përurimin e shtatores së Vokrrit ishin kryeministri i Kosovës, Albin Kurti, ministri i Kulturës, Hajrulla Ceku, kryetari i Komunës së Prishtinës, Shpend Ahmeti, dhe kryetari i Federatës së Futbollit të Kosovës, Agim Ademi.
Në përfundim të ceremonisë, FFK ka organizuar një ndeshje miqësore me lojtarët veteranë të Llapit, Prishtinës, Kombëtares së Kosovës dhe Shqipërisë.
Kush ishte Fadil Vokrri?
Vokrri lindi më 23 korrik 1960 në Podujevë dhe u nda nga jeta më 9 qershor 2018. Sot ai do të mbushte 61 vjeç dhe në kujtim të tij, ngrihet një shtatore, që lartëson vlerat e legjendës Vokrri dhe që do të tregojë ndër breza atë çfarë ai përfaqësonte dhe dha për futbollin e Kosovës.
Në karrierën e tij si futbollist, Vokrri ka luajtur me gjigantët turq të Fenerbahce-s, me Nimes-in në Francë dhe Partizanin e Beogradit.
Gjithashtu, ai është paraqitur në 12 ndeshje me Kombëtaren e Jugosllavisë, ku shënoi gjashtë gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Sondazhi: VV dhe Guxo 41%, PDK 19.6, LDK 19.2 dhe AAK-Nisma 6%
-
Bardhi tha se kallëzoi Olsi Ramën në SPAK, kryeministri: Nuk ka pasur asnjë kallëzim
-
Refuzimi i Mickoksi-t për t’i miratuar ndryshimet kushtetuese: Për këtë arsye e zgjodhi “VLEN”-in dhe jo “Frontin Evropian”
-
Gjyqtarët s’ishin të ndarë, ashtu siç tha Kurti: 8 me 1 ishte raporti i votave për shumicën e neneve të rrëzuara të Ligjit për Byronë