Përse u suspendua Fatmir Plakiqi, drejtor i Fondit për Sigurime Shëndetësore?

Ministria e Shëndetësisë së Kosovë thirri konferencë për media dhe aty u njoftua se Fatmir Plakiqi, drejtor i Fondit për Sigurime Shëndetësore, është suspenduar përkohësisht.

Nga ministria thanë se arsyetimi për largim të përkohshëm nga detyra e drejtorit në Fondin për Sigurime Shëndetësore “është që të kemi një siguri ne si bord në këtë fazë në sigurimin e informacioneve dhe raporteve të ndryshme që na duhet t’i analizojmë”.

Ushtrues detyre në këtë pozitë u emërua, Bujar Kaçorri.

“Do të punojmë drejt realizimit të këtyre planeve. Na duhet pak kohë deri sa të hartohen planet dhe të vihen në zbatim”, tha shkrut ai.

Por, përse u suspendua Plakiqi?

Fatmir Plakiqi siç ka kuptuar Albanian Post ishte person krejtësisht jashtë ndikimit të ministrit të Shëndetësisë, Rifat Latifit.

Derisa vetë fondi përbënte një strukturë jofunksionale që në fakt merrej vetëm me dërgimin e pacienteve në mjekim jashtë vendit, kryesisht në Turqi, në spitalet preferenciale ku besohet se Plakiqi kishte marrëveshje të heshtur.

E gjithë struktura e fondit ishte një grumbullim dembelësh dhe punën që aktualisht e bëjnë 45 punëtorë, më parë kryhej vetëm nga dy zyrtarë të Ministrisë së Shëndetësisë.

Personeli i fondit paguan mbi 100 mijë euro në vit për zyrat me qira, derisa efikasiteti mungon krejtësisht.

Gjithashtu, shpenzime shtesë janë pagat jo të vogla të punëtorëve të fondit, të cilët paguheshin për të mos bërë asgjë.

Por, ky nuk është problemi i vetëm në Ministrinë e Shëndetësisë.

MSH është nga ministritë me problemet më të mëdha nga gjithë të tjerat.

Lexojeni tekstin e publikuar nga Albanian Post, për të kuptuar se çfarë ndodhë në këtë dikaster qeveritar.

Misioni Rifat, dështoi me sukses

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.