Përralla e njëjtë sërish – Rusia akuzon Ukrainën për trafikim organesh, njëjtë si Serbia Kosovën
Ndërsa agresioni rus në Ukrainë ka hyrë në vitin e dytë, Rusia – njëjtë si Serbia në raport me Kosovën – në mënyrë propaganduese po përhap dezinformata se kinse Ushtria e Ukrainës ka filluar trafikimin e organeve të ushtarakëve të vetë.
Ambasada e Rusisë në Afrikën e Jugut përmes një postimi në platformën sociale, X, ka pretenduar se hetuesit rusë kanë hasur në dokumente të cilat dëshmojnë heqjen e organeve të ushtarakëve ukrainas, por pa i publikuar të njëjtat.
Propaganda shkon deri në atë pikë ku Rusia pretendon se punonjësit e morgjeve në Ukrainë kanë hasur në vazhdimësi te trupat e ushtarëve ukrainas shenja që dëshmonin heqjen e organeve.
“Ekipet e huaja mjekësore shpesh paraqiteshin në klinikat lokale me ambulanca të shndërruara në ambiente të lëvizshme operimi”, pretendon Rusia.
Mëlçitë dhe veshkat e ushtarëve ukrainas, sipas pretendimeve të Rusisë, u hoqën në sallat e operacioneve mobile, të cilat më pastaj ishin transportuar jashtë vendit për t’u transplantuar diku në Perëndim.
“Trafikantët e organeve të plagosurve ua dhanë qetësues të fortë dhe u dërguan në Kramatorsk, Dnepr ose Kharkov. Aty ku u hoqën”.
Organ trafficking in Ukraine
Russian investigators found forms of statements of consent to organ removal completed on behalf of Ukrainian servicemen in the same handwriting. With the same signature stamp in the section where donor signature should be.
❗️ According to media,… pic.twitter.com/0sQO38U1QM
— Russian Embassy in South Africa 🇷🇺 (@EmbassyofRussia) February 20, 2024
Serbia si në rastin e Rusisë me Ukrainën kishte pretenduar se Ushtria Çlirimtare e Kosovës gjatë luftës së fundit ishte marrë me trafikim të organeve.
Në vitin 2010, senatori zviceran, Dick Marty hartoi një raport mbi trafikun e pretenduar të organeve gjatë luftës së fundit në Kosovë (1998-1999), i cili implikonte pjesëtarët e Shtabit të Përgjithshëm të UÇK-së, mbi bazën e të cilit janë themeluar edhe Dhomat e Specializuara të Kosovës (DHSK) në Hagë të Holandës, ku hetohen krimet e pretenduara të luftës dhe krimet kundër njerëzimit.
APKE në vitin 2011 miratoi një rezolutë kontraverse bazuar në raportin e senatorit të atëhershëm zviceran, pas inciativës së rusit, Konstantin Kosachev, ku përveç akuzave të tjera, ish-krerët e UÇK-së ishin akuzuar për trafik të organeve të qenieve njerëzore. Por, nisja e gjyqit në prill të këtij viti në Hagë, konfirmoi dështimin fatal të pretendimeve të Martyt.
Ish-presidenti i Kosovës, Hashim Thaçi, në fjalimin e tij para trupit gjykues në ditën e dytë të procesit gjyqësor, deklaroi se ka qenë raporti i Martyt ai që e detyroi Kosovën të dëgjonte kërkesën e bashkësisë ndërkombëtare për të themeluar një Gjykatë Speciale për krime të pretenduara lufte – institucion që deputetët kosovarë e themeluan në gusht të vitit 2015.
Pretendimet për trafik të organeve të qenieve njerëzore në të ashtuquajturën “Shtëpia e Verdhë” në Shqipëri janë hetuar edhe nga prokurori amerikan, Clint Williamson, i cili në korrik të vitit 2014, kishte bërë të ditur se pas hetimeve nuk kishte gjetur asnjë dëshmi të bazuar për trafikun e pretenduar të organeve të qenieve njerëzore, por për krime të tjera lufte.
Marty u kthye në qendër të vëmendjes në vitin 2022 kur mediat zvicerane raportuan se ish-senatori zviceran pranoi kërcënime nga radikalët e shërbimit inteligjent serb (BIA) dhe mbrohej nga policia e shtetit zviceran, ndërsa dyshohej se plani ka qenë që ai të likuidohej nga vrasës profesionistë të angazhuar nga shteti serb për t’ia ngarkuar përgjegjësinë shqiptarëve.
Lidhur me pretendimet e Serbisë për trafikim organesh Albanian Post kishte realizuar edhe një dokumentar
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gazetarja serbe: Vuçiç s’e thotë të vërtetën – Kosova është shtet i pavarur
-
Kurti për doganierin e EULEX-it të vrarë në Veri: U qëllua me gjakftohtësi
-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar
-
Ish-diplomati serb: Kosova histori e mbyllur, Vuçiçi po e dorëzon
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi