Përmbytjet godasin Kinën Qendrore, 25 të vdekur – evakuohen mijëra të tjerë

Reshje të dendura dhe të rrëmbyeshme shiu kanë përmbytur provincën Henan të Kinës, të mërkurën e 21 korrikut – duke shpërthyer brigjet e lumenjve dhe diga të mëdha. Sistemi i transportit publik u bllokua dhe mijëra familje u detyruan të evakuojnë shtëpitë e tyre.

Të paktën 25 njerëz kanë vdekur në kryeqytetin e provincës, Zhengzhou. Shiu i një viti – 640 mm – ra në vetëm tri ditë.

Sipas njoftimit të mediave shtetërore “Xinhua”, rreth 200 mijë njerëz u zhvendosën në qendra sociale. Reshjet e shiut përmbytën sistemin e metrosë së qytetit, shembën rrugët dhe nxitën pezullimin e fluturimeve përbrenda.

Nëpërmjet videove të shpërndara në mediat sociale, shihet ashpërsia e përmbytjes, me qindra makina që notonin nëpër rrugët kryesore dhe turma njerëzish që formonin zinxhirë njerëzorë për të shpëtuar njëri-tjetrin nga rrugët dhe ndërtesat e përmbytura.

Në sistemin e metrosë, ku mendohet të kenë ndodhur shumë nga vdekjet e konfirmuara, uji arrinte deri në bel, duke shpërthyer nëpër tunele, dhe duke zhytur platformat.

7月20日晚，郑州暴雨地铁5号线一车厢多人被困，水位淹过肩膀。根据郑州地铁晚上发布的消息，受持续暴雨影响，郑州地铁全线网车站已暂停运营服务，消防人员正在救援。 pic.twitter.com/wCiz7TGhki

— The Paper 澎湃新闻 (@thepapercn) July 20, 2021

Videot e tjera treguan udhëtarë të bllokuar brenda karrocave që mbanin parmakët me ujë deri në gjoks. Të paktën pesë trupa të pajetë ishin të dukshëm në një video, të filmuar në një stacion të paidentifikuar Zhengzhou.

Numri i të vdekurve pritet të rritet, me postime të shumta në media sociale nga të afërmit e njerëzve të zhdukur. Në qytetin afër GongYi të paktën një person vdiq dhe dy u raportuan të zhdukur.

Selia e kontrollit të përmbytjeve të Zhengzhou tha se depozitimi i ujit në rezervuarin Guojiazui ishte në “rrezik të madh” të prishjes së digës dhe qeveria lokale po urdhëronte evakuimet.

Herët të mërkurën një divizion i ushtrisë së Kinës u dërguan në të gjithë provincën për të luftuar përmbytjet dhe për të shpëtuar njerëzit.

Shiu i madh nëpër Henan filloi më 17 korrik. Të martën, agjencitë e motit lëshuan nivelin më të lartë paralajmërues për provincën dhe parashikimet e motit kinez prisnin reshje të tjera të rrepta.

Nga e shtuna në të martë, 3 mijë e 535 stacione moti në Henan, një nga provincat më të populluara të Kinës me 94 milionë njerëz, raportuan reshje shiu që tejkaluan 5 cm. Ndër stacionet 1 mijë e 614 nivele të regjistruara mbi 10 cm dhe 151 mbi 25 cm, thanë autoritetet.

Pamjet në mediat sociale të Kinës treguan se tempulli Shaolin me famë botërore, i njohur për artet marciale, si dhe vendet e tjera kulturore, ishte prekur keq.

Qindra banorë të bllokuar në Henan bënë thirrje për ndihmë në internet, ndërsa përmbytjet ndërprenë energjinë elektrike në shtëpitë e tyre.

Përmbytjet janë të zakonshme në sezonin e shiut të Kinës, por ndikimi i tyre është përkeqësuar gjatë dekadave, pjesërisht për shkak të urbanizimit të shpejtë të Kinës dhe krizës globale të klimës.

Ngjarje ekstreme të motit kanë ndodhur në shumë pjesë të Kinës këtë verë. Qindra mijëra banorë në provincën Sichuan duhej të zhvendoseshin këtë muaj për shkak të përmbytjeve dhe rrëshqitjeve të dheut.

Liu Junyan, nga “Greenpeace International”, thotë se rreziku i motit ekstrem është më i lartë në qendrat e qyteteve të populluara dendur të Kinës.

Gjithashtu po rritet shpejt nëpër periferi të qyteteve të mëdha për shkak të urbanizimit të shpejtë.

“Qytetet janë një sektor i rëndësishëm i emetimeve globale të gazrave serë, të cilat zënë rreth 70% të emetimeve totale”.

Nga ana tjetër, reshjet e dendura të shiut kanë përmbytur Evropën, ku kanë vdekur mbi 183 njerëz në Gjermani dhe Belgjikë. Ndërkohë qindra të tjerë raportohen të humbur.

Meteorologët gjermanë e kanë quajtur përmbytjen si “më të keqen në 500 vjet, në mos brenda mijëvjeçarit”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.