Shkolla fillore e mesme e ulët në Prishtinë, “Hilmi Rakovica”, është përfshirë nga zjarri, por që nuk është raportuar për asnjë të lënduar.

Këtë për Albanian Post e ka konfirmuar, zëdhënësi i policisë për rajonin e Prishtinës, Agron Borovci.

“Informata është pranuar rreth orës 10:00, për një zjarr në rrugën ‘Aziz Zhilivoda’ në Prishtinë, respektivisht në shkollën Hilmi Rakovica. Policia menjëherë ka dalë në vendin e ngjarjes dhe nga informatat e para bëhet e ditur se oxhaku i ngrohjes së shkollës dyshohet të jetë përfshirë nga zjarri dhe për pasojë është dëmtuar edhe një pjesë e kulmit të shkollës”, ka thënë ai.

Borovci ka thënë se zjarri është arritur të lokalizohet nga njësitë përkatëse.

“Zjarri është lokalizuar nga ana e zjarrfikësve, ndërkohë që nuk raportohet për të lënduar”, shtoi ai.