Ana Duriç, e njohur me emrin artistik “Konstrakta”, që do ta përfaqësojë Serbinë në festivalin e muzikës në Evrovizion, është vajza e një ish-ministri të Slobodan Millosheviçit, presidenti serb i njohur si Kasapi i Ballkanit.
Bëhet fjalë për Slobodan Ignjatoviç, ish-ministër i Informacionit në Qeverinë e Federatës nga radhët e Partisë Socialiste të Serbisë.
Ignjatoviç shkurtazi kishte mbajtur funksionin e ministrit gjatë viteve 90-ta, në kohën e Millosheviçit.
Ai ishte edhe gazetar për Express Politika dhe më vonë edhe redaktor. Më pas kishte punuar dhe në TV Politika dhe TV Beograd – të gjitha këto media në shërbim të regjimit të atëhershëm.
Duriç, apo “Konstrakta” është një këngëtare dhe tekstshkruese serbe, e cila para se të vazhdonte karrierën si solo këngëtare ishte bërë e famshme si vokaliste e grupit indi-pop “Zemlje gruva”.
Fama e saj u bë nacionale pasi fitoi festivalin nacional për ta përfaqësuar Serbinë në Eurosng në Itali.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
