Presidenti francez Emmanuel Macron ftoi sindikatat që të takohen me të të martën në Elysée, “sido qoftë vendimi i Këshillit Kushtetues” për reformën e diskutueshme të pensioneve, njoftoi presidenca të premten.
Lajmi u bë i ditur nga agjencia “AFP” dhe gazeta “Le Figaro”.
“Do të jetë domosdoshmërisht fillimi i një cikli që presidenti dhe qeveria do të vazhdojnë në javët në vijim me partnerët socialë. Dera e Elysee do të mbetet e hapur, pa parakushte, për këtë dialog”, tha shoqëruesi i kreut të shtetit.
Pas tre muajsh krize politike dhe sociale në Francë, të gjithë sytë janë te Këshilli Kushtetues i vendit përpara vendimit të tij nëse plani i kontestuar i Presidentit Emmanuel Macron për të rritur moshën e daljes në pension është kushtetues.
Nëse Këshilli Kushtetues miraton reformën, mund të hyjë në fuqi projektligji për rritjen e moshës së pensionit nga 62 në 64 vjeç.
Macron tha muajin e kaluar se donte që reforma e pensioneve të zbatohej deri në fund të vitit.
Disa vëzhgues politikë sugjerojnë se ai mund të përpiqet të qetësojë kritikët me një riorganizim të qeverisë në javët ose muajt e ardhshëm.
Por Këshilli Kushtetues gjithashtu mund ta refuzojë projektligjin, plotësisht ose pjesërisht.
Përpara vendimit të Këshillit, i cili është planifikuar të shpallet rreth orës 18:00 me orën lokale, Macron u takua me ushtarët senegalezë dhe vizitoi kantierin e ndërtimit të Notre Dame de Paris.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dy sisteme Patriot do ta shpëtonin Kharkivin nga pushtimi, thotë Zelensky
-
Letra e plotë e Gjermanisë, Italisë dhe Francës për Kurtin
-
Felaj, thirrje për rikthim të hetimeve ndaj Strukturave për Mbrojtjen e Votës në PD
-
Maliqi: Vuçiçi e arriti synimin që Kosova të shihet si palë joserioze nga ndërkombëtarët – pa pasur nevojë të bëjë asgjë
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Gjermania, Franca dhe Italia ia refuzojnë Kurtit idenë e propozimit të një drafti për Asociacionin