Nisma Socialdemokrate, Aleanca për Ardhmërinë e Kosovës dhe Aleanca Kosova e Re, kanë arritur koalicion me Partinë Demokratike të Kosovës, për ta mbështetur kandidatin e kësaj partie, Shaqir Totaj, në garë për Kryetar të Komunës së Prizrenit, në raundin e dytë të Zgjedhjeve Lokale.
“NISMA Socialdemokrate – Dega në Prizren, në përputhje me rezultatin e zgjedhjeve të raundit të parë me 17 tetor, si dhe në frymën e përcaktimit për një qeverisje ndrsyhe në qytetin tonë, ka vendosur që në balotazh me 14 nëntor, të mbështet kandidatin Shaqir Totaj”, thuhet në komunikatën e Nismës.
“Mbështetja për Shaqir Totajn me 14 nëntor, është edhe mbështetje e projekteve tona të prezantuara gjatë fushatës nga kryetari Nismës në Prizren, Zafir Berisha”, vazhdon komunikata.
Ndërsa në anën tjetër Kandidati për Kryetar Komune nga AKR, Afrim Tejeci përmes një postimi në Facebook ka shkruar se “pas konsultimit me të gjitha strukturat dhe anëtarësinë tonë, AKR Dega në Prizren ka marrë vendim të unifikuar që në raund të dytë të zgjedhjeve lokale për Kryetar të Komunës së Prizrenit , të mbështes kandidatin e Partisë Demokratike, Shaqir Totaj”.
Në një ceremoni zyrtare Shaqir Totaj, ka nënshkruar marrëveshjen e koalicionit edhe me Kandidatin për Kryetar nga radhët e Aleancës për Ardhmërinë e Kosovës, Lulzim Kabashi.
Në raundin e dytë të Zgjedhjeve Lokale të cilat do të mbahen me 14 tetor, Totaj si kundër kandidat për të parin e Prizrenit do ta ketë kandidatin e Lëvizjes Vetëvendosje, Mytaher Haskuka.
Ditë më parë Kryetari aktual i Komunës së Prizrenit, Haskuka, gjatë një konference kishte bërë të ditur se ka marrë mbështetjen e partisë NDS nga radhët e komunitetit boshnjak, e cila udhëhiqet nga zëvendëskryeministrja e Kosovës, Emilija Rexhepi.
Haskuka në Zgjedhjet Lokale të 17 tetorit doli i pari me 40.41 për qind të votave.
Ndërsa kundër kandidati i tij Shaqir Totaj, arriti të grumbullojë 31.26 për qind të votave në raundin e parë të Zgjedhjeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Scholz: Lufta në Ukrainë mund të zgjasë disa vite
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
-
Asociacioni të bëhet pas anëtarësimit të Kosovës në Këshillin e Evropës, thotë Serwer
-
Gërvalla përkujton Sali Çekajn: Natyrë e butë ashtu si Ibrahim Rugova – gjithmonë gati të flijohej për lirinë e shqiptarëve
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë