PD: Ndryshimet statutore të Kuvendit Kombëtar të 17 korrikut, Gjykata e Tiranës shqyrton kërkesën më 15 shkurt
Gjykata e Tiranës të martën ka caktuar datën 15 shkurt për mbajtjen e seancës për shqyrtimin e kërkesës së Partisë Demokratike për ndryshimet e statutit, të dala më 17 korrik 2021 nga Kuvendi Kombëtar.
Seanca e parë do të mbahet nga gjyqtarja e kësaj çështjeje, Blerina Muça.
Ndërsa për sa i përket kërkesës së Komisionit të Rithemelimit të PD-së për ndryshimet statutore të bëra në Kuvendin e datës 11 dhjetor – e thirrur nga ish-lideri Sali Berisha – gjykata nuk ka caktuar ende asnjë datë.
Gjyqtari i zgjedhur për të shqyrtuar kërkesën e këtij Komisioni, Agron Zhukri, kërkoi dorëheqjen.
Por kërkesa e tij u refuzua nga Gjykata e Tiranës.
Nga Komisioni i Përkohshëm i Rithemelimit të PD-së, u miratuan disa ndryshime statutore dhe shkarkimi i kreut të Lulzim Basha.
Nga ana tjetër, Basha çdo vendim të dalë nga ky Kuvend e ka quajtur nul dhe 18 dhjetori do të jetë Kuvendi i vetëm Kombëtar i legjitimuar.
“Përçarja” e demokratëve filloi pas vendimit të Bashës për përjashtimin e Berishës nga Grupi Parlamentar i PD-së.
Ky vendim i kryedemokratit erdhi pasi Departamenti Amerikan i Shtetit e shpalli Berishën dhe familjen e tij si persona non-grata.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
1 Maji në mbarë botën: Më shumë të drejta dhe rritje të pagave
-
Kosova dhe Shqipëria heqin kontrollet në kufij për nëntë muaj
-
Begaj viziton arbëreshët në komunat e Kozencës: Mirënjohje që ruani identitetin
-
Lejoi ndërtimin pa leje të objektit në pronësi të Gëzim Çelës, Gjykata lë në burg drejtorin e IMT-së
Lajmet kryesore
-
Intervistë e Albanian Post me Ziadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickoski-t
-
Berisha i kërkon Gjykatës së Lartë leje për paraqitje në Kuvend
-
Pse Izraeli dhe aleatët e tij i frikësohen ICC-së?
-
Premtimi i Kurtit për Kodin Civil “shpresa e fundit” për t’i shpëtuar presionit për Asociacionin