Sport

Paul Ricard GP, garë e jashtëzakonshme, RedBull të mrekullueshëm


Një ndër garat që konsiderohet më të mërzitshmet në kalendar, sot ishte krejt ndryshe.

Strategjia e RedBull jashtë pistës ishte e jashtëzakonshme, dhe në pistë, Verstappen e Perez e ekzekutuan për mrekulli.

Verstappen e humbi pozitën në fillim, me një start të keq.

Por, pas pit-stopeve të para, Verstappen e ri mori pozitën, duke dalë i pari.

Tipi i tij i gomave nuk ishte aq i mirë, dhe RedBull e futi në pit-stop për një strategji ndryshe.

Verstappen duhet të rikuperonte 20 sekonda në më pak se 15 xhiro, dhe këtë e arriti për mrekulli.

Një xhiro para fundit, ai arriti parakalimin ndaj Hamilton, që përfundoi i dyti.

I treti përfundoi Perez, i cili e fitoi pozitën ndaj Bottas.

Bottas ishte shumë i frustruar me skuadrën, që ja ndërroi planin për dy pit-stope gjatë garës.

Për mrekulli u paraqit edhe McLaren, që përfundoi në vendin e pestë dhe gjashtë, me Norris dhe Ricciardo.

Gasly përfundoi i shtati, Alonso i teti, dhe dy pilotët e Aston Martin, Vettel dhe Stroll mbyllën ‘top 10’.

Zhgënjeu krejtësisht Ferrari, që mbeti jashtë pikëve.

Gara tjetër vjen menjëherë pas një jave, në Austri.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore