Pashinyan telefonon aleatët: Azerbajxhani na ka vrarë 49 ushtarë në kufi

Sipas kryeministrit armen, Nikol Pashinyan, 49 ushtarë janë vrarë në kufirin me Azerbajxhanin, pas një përleshjeje të përgjakshme në orët e para të mëngjesit të 13 shtatorit.

Kjo shkëndijë, rikthen kështu zyrtarisht në vëmendje konfliktin dekadent për rajonin e Nagorno-Karabakh, mbi të cilin u zhvillua edhe një luftë e mirëfilltë në vitin 2020.

Në orët e para të pas sulmit, të dy palët kanë akuzuar njëra-tjetrën, duke theksuar se disa ushtarë ishin vrarë. Përkatësisht, pala azere e bëri me dije e para përgjakjen e konfliktit, pa dhënë detaje për shifra.

Mirëpo Pashinyan, në disa biseda telefonike të zhvilluara me aleatët, si për shembull me presidentin francez, Emmanuel Macron dhe atë rus, Vladimir Putin, ka konkretizuar se armenët e vrarë – të paktën deri tani – janë 49.

Gjithsesi, ai ka përmendur këtu edhe disa goditje në frontin e luftës, të cilat kanë ardhur nga Baku pas ngjarjeve të para, të cilat ndodhën rreth mesnatës.

Në një raportim që agjencia franceze e lajmeve AFP pati, u bë e ditur se trupat azere patën kërkuar inkursion në Armeni. Megjithatë, sërish nuk u bë publike shkalla në të cilën ky inkursion po ndërmerrej, ose suksesi i tij.

Një zgjidhje e menjëhershme është kërkuar ndërkaq nga faktorët ndërkombëtarë, të cilët kanë bërë thirrje për armëpushim dhe në fakt, ky i fundit, duket i afërt.

Nagorno-Karabakh-u është njohur ndërkombëtarisht si pjesë e Azerbajxhanit, por ka qenë nën okupimin e separatistëve armenë për 30 vite.

Marrëdhëniet midis dy ish-republikave sovjetike, Azerbajxhanit dhe Armenisë, që nga viti 1991 kanë qenë të tensionuara, pasi ushtria armene pushtoi Malësinë e Karabakh-ut, i njohur ndërkombëtarisht si një territor azerbajxhanas.

Kur përplasjet e reja shpërthyen më 27 shtator, ushtria armene filloi sulmet ndaj civilëve dhe forcave azerbajxhanase, si dhe shkeli disa marrëveshje humanitare të armëpushimit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.