Pas Shqipërisë, Dua Lipa zgjedh Greqinë si destinacion të radhës për pushime verore

Këngëtarja shqiptare me famëbotërore, Dua Lipa, së fundmi ishte parë duke shijuar pushimet verore në jug të Shqipërisë.

Por, ylli i hitit “Love Again”, tanimë duket të ketë ndryshuar lokacion dhe këtë e ka konfirmuar përmes mediave sociale.

Pas Shqipërisë, Dua zgjodhi Greqinë si destinacion të radhës për pushimet, që kësaj radhe po i shijon bashkë me partnerin e saj, regjisorin e famshëm francez, Romain Gavaras.

Më saktësisht, në kolazhin e imazheve të ndara me më shumë se 88 milionë ndjekësit e saj në Instagram, Dua zbuloi se kishte zgjedhur regjionin grek të Peloponesse-s, për t’i shijuar ditët e netët e kësaj vere.

Përndryshe, Lipa së fundmi është nominuar në dy kategori të “MTV VMA 2023”, në atë të “Këngës më të mirë pop” si dhe për “Këngën me koreografinë më të mirë” të realizuar nga Charm La’Donna – që të dy nominimet shkojnë për këngën “Dance the night”.

Në anën tjetër, Dua po përballet me një tjetër proces gjyqësor për një nga hitet e saj më të mëdha – “Levitating”.

Ajo është një prej artisteve më të suksesshme në botë, e njohur për vokalin e rrallë dhe stilin unik, por e njëjta tani është duke u paditur nga producenti muzikor, Bosko Kante.

Një kërkesë shumë milionëshe për të drejtën e autorit u depozitua në Los Anxhelos të hënën e 31 korrikut, në të cilën Kante pretendon se Dua Lipa dhe Warner Music Group përdorën në mënyrë të paligjshme një regjistrim të bërë me talk box-in e tij në remiks të këngës.

“Levitating”, ishte një nga hitet më të mëdha nga albumi i saj i vitit 2020 – “Future Nostalgia”.

Dua Lipa përballet me padi të re mbi këngën “Levitating”

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.