“Pas këtij bekimi s’frikësohem të shkoj në betejë”, spiunia ruse që u ndala Kosovë disa orë më herët pati një takim në Beograd

Daria Aslamova, spiunia ruse që u ndalua nga autoritetet në Kosovë, vetëm disa orë para se të provonte ta kalonte kufirin në Veri, ishte takuar me një prift ortodoks në Beograd.

Takimin e saj e kishte postuar në llogarinë që ka në Facebook, derisa kishte shkruar se tash nuk i frikësohet betejës.

“Qetësohesh në shpirt kur bekohesh nga peshkopi i Beogradit, Stefan Remesian, Vikar i Dioqezës së Beogradit. Njeri i egër, luftëtar i Krishtit. Pas këtij bekimi që mora, nuk frikësohem të shkoj në betejë”, ka shkrua ajo të premten.

Lajmin për arrestimin e Aslamovas, që jepet si gazetare, por punon për shërbimin e spiunazhit të ushtrisë ruse, e ka dhënë ministri i Punëve të Brendshme të Kosovës, Xhelal Sveçla.

Ende nuk dihet cili është qëllimi i vizitës së saj në Kosovë, por ministri e ka lidhur me tensionet e fundit në Veri.

Gjithashtu, këtë të shtunë, pati të shtëna edhe në drejtim të policëve të Kosovës.

Pas pak në Albanian Post, profili i Daria Aslamova. 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.