Anëtarët e Partisë Demokratike të Kosovës (PDK), Lidhjes Demokratike të Kosovës (LDK) dhe Aleancës për Ardhmërinë e Kosovës (AAK) në Komisionin Qendror Zgjedhor (KQZ) kanë refuzuar takimin e parë të kryetarit të ri të këtij komisioni, Kreshnik Radoniqi.
Në takimin joformal të thirrur nga kryesuesi i ri i KQZ-së, kanë marrë pjesë vetëm përfaqësuesit e Lëvizjes Vetëvendosje dhe Listës Serbe.
Për Arianit Elshani anëtarin e PDK-së në KQZ arsyeja e bojkotimit të mbledhjes ka të bëjë pikërisht me shkarkimin e ish-kryetares së KQZ-së, Valdete Daka.
“Presidentja e Kosovës, pa fakte dhe e ndikuar politikisht nga një parti politike, mori vendim për shkarkim të kryetares së KQZ-së dhe emërimin e ushtruesit të ri të detyrës”, ka thënë ai gjatë një prononcimi për Albanian Post.
Elshani më tutje ka shtuar se me vendimin e Presidentes Osmani për shkarkimin e Dakës nga pozita udhëheqëse e KQZ-së, është rrezikuar edhe procesi i zgjedhjeve lokale të këtij viti.
Ai ka ftuar që Lëvizja Vetëvendosje “të mbajnë larg duart nga pavarësia institucionale që i takon KQZ-së”.
Ndërsa për anëtarin e LDK-së në KQZ, Florian Dushi arsyeja e mos marrjes pjesë në mbledhjen joformale të thirrur nga anëtari i ri i KQZ ka të bëjë me njoftimin me vonesë në lidhje me takimin.
“Takimi ka qenë joformal, unë kam pranuar njoftimin me vonesë dhe e kisha të pamundur të marrë pjesë” ka thënë Dushi, për AP.
Për Ibrahim Selmanaj, pjesëmarrja në ceremonitë e organizuara për nder të ditës së çlirimit të Deçanit ishin më të rëndësishme.
“Kemi ditën e çlirimit të Deçanit dhe unë jam kryetari i parë i Deçanit, është obligim i imi të marrë pjesë në ceremonitë e organizuara për nderë të ditë së çlirimit të Deçanit”, ka thënë ai për Albanian Post.
Para dy ditësh Presidentja e Kosovës Vjosa Osmani, e kishte shkarkuar nga detyra kryesuesen e KQZ-s Valdete Daka, duke emëruar në vend të saj kryetarin e ri të këtij institucioni, Kreshnik Radoniqin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel