![](https://albanianpost.com/wp-content/uploads/2023/02/Screenshot-2023-02-02-123224.png)
Parlamenti Europian hoqi të enjten e 2 shkurtit, imunitetin e dy eurodeputetëve të shënjestruar nga drejtësia belge në skandalin e dyshuar të korrupsionit për të mirën e Katarit dhe Marokut, duke i hapur rrugën dëgjimit të tyre nga hetuesit.
Duke votuar me ngritjen e duarve, eurodeputetët e mbledhur në Bruksel i dhanë dritën jeshile heqjes së imunitetit të belgut Marc Tarabella dhe italianit Andrea Cozzolino.
Dy zyrtarët e zgjedhur, të përjashtuar përkohësisht nga grupi i Socialistëve dhe Demokratëve (S&D) dhe duke mohuar çdo keqbërje, votuan për heqjen e imunitetit të tyre.
Lajmi u bë i ditur nga agjencia franceze “AFP”.
Kryetarja e Parlamentit Evropian, Roberta Metsola, nisi më 2 janar procedurën urgjente për heqjen e imunitetit të dy deputetëve në bazë të kërkesës së autoriteteve gjyqësore belge për rastin “Qatargate”.
Gjithashtu, Metsola planifikon të prezantojë vizionin e saj për reformën në Parlamentin Evropian për të parandaluar shfaqjen e skandaleve korruptive si “Qatargate”.
“Që nga fillimi, Parlamenti Evropian ka bërë gjithçka që është në fuqinë e tij për të ndihmuar në hetim dhe ne do të vazhdojmë të sigurojmë që të mos ketë pandëshkueshmëri. Fajtori do të shohë që ky Parlament është në anën e ligjit”, u shpreh ajo.
“Qatargate”, hetimi hyn në fazën e dytë me të dyshuar të rinj
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
6 vjet pa Adem Demaçin
-
Prokurorët hapin hetim pasi rrjeti hekurudhor francez u godit nga zjarrvëniet
-
Haxhiu njofton se janë gjetur mbetjet mortore të një personi që dyshohet se janë nga lista e personave të zhdukur
-
Reforma Zgjedhore, Basha: Berisha ia shiti zgjedhjet Ramës, në Kuvend do fusin kamikazët e tyre
Lajmet kryesore
-
Deputetët e VV-së bllokojnë komisionin parlamentar për llogari të Selajdin Beqës, njeriu me aktakuzë që rrahu kolegun në zyrë
-
Balla pret Wisner: SHBA, mbështetje Shqipërisë në sfidat e sigurisë publike
-
Prokurorët hapin hetim pasi rrjeti hekurudhor francez u godit nga zjarrvëniet
-
6 vjet pa Adem Demaçin