Tash e një kohë në Kosovë po qarkullojnë vazhdimisht monedhat false 2 euroshe, por me të cilat pothuajse çdo herë në lokale, dyqane dhe për shërbime të tjera lejohet pagesa.
Mediumi prestigjioz britanik, Reuters, përmes një artikulli ka thënë se 2 eurot false kanë pasur rritje akoma më shumë këtë vit.
Ndërsa, thuhet se Kosova dhe Mali i Zi edhe pse s’janë në eurozonë, e përdorin euron si monedhë të tyre.
Shkrimi i Reuters nis me ngjarjen nga një kafene në Prishtinë, përmes së cilës tregohet se stafi ka hequr dorë për të kontrolluar monedhat 2 euro.
“Në një kafene në kryeqytetin e Kosovës, Prishtinë, stafi ka hequr dorë nga kontrolli nëse monedhat 2 euro që njerëzit përdorin për të paguar janë origjinale, pasi një përqindje kaq e lartë janë false dhe siç bën cilësia e lartë e disa falsifikimit është pothuajse e pamundur të thuhet”, thuhet në artikullin e Reuters.
“Në fillim të gjithë ishin të shqetësuar dhe kontrollonin nëse monedhat 2 euro ishin false apo jo”, tha njëri nga punëmarrësit Endriti.
Ai dhe të tjerët mbanin monedhat pranë dritës për t’i ekzaminuar ose i ulnin në një tavolinë për të parë se si tingëllonin.
“Në një dyqan të vogël afër kafenesë në Prishtinë, me 11 monedha 2 eurosh në arkë, shitësja tha se besonte se gjashtë ishin false dhe se aq shumë në qarkullim ishin false, sa nuk kishte zgjidhje tjetër veçse t’i pranonte ato”.
Në laboratorin e mjekësisë ligjore të policisë në Prishtinë, stafi ekzaminoi më shumë se 30 mijë monedha të falsifikuara 2 euro në gjysmën e parë të këtij viti, krahasuar me 4 mijë e 451 në të njëjtën periudhë të vitit të kaluar.
Sipas agjencive ligjzbatuese, numri i monedhave false 2 euro në qarkullim ka shënuar një rritje masive gjatë vitit 2023.
Institucionet financiare evropiane ndajnë disa këshilla se si mund të identifikohen paratë false.
Një prej metodave është prekja e monedhës, pasi monedhat false zakonisht janë më të vrazhda.
Po ashtu mund të identifikohen devijime, shkronja dhe simbole në mospërputhje me origjinalin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”