Parashutisti kalon kufirin midis Marokut dhe Spanjës

Një person ka udhëtuar me parashutë nga Maroku mbi një gardh kufitar në Melilla dhe i ka shpëtuar autoriteteve.

Lajmi u bë i ditur nga transmetuesi “Aljazeera”, bazuar në një deklaratë që kanë bërë zyrtarët në enklavën spanjolle të Afrikës Veriore.

Individi kaloi në Melilla, një enklavë spanjolle, ku mijëra emigrantë dhe refugjatë janë përpjekur të kalojnë në të.

Dy dëshmitarë panë parashutën duke lëvizur lart ndërsa po ecnin përgjatë rrugës unazore që rrethonte enklavën dhe njoftuan policinë në orën 18:15, tha përfaqësuesi i qeverisë spanjolle në Melilla në një deklaratë të enjten.

“Patrullat u nisën menjëherë drejt zonës, por nuk arritën ta lokalizonin migrantin”, shtohet në deklaratë.

Pamjet e marra nga gazeta lokale “El Faro” duket se tregojnë një person të mbërthyer në një parashutë duke u ulur pranë rrugës që kalon përgjatë dy gardheve paralele kufitare, të cilat variojnë midis 6 metra  dhe 10 metra në lartësi dhe janë 12 kilometra të gjatë.

Autenticiteti i videos nuk është verifikuar akoma.

Melilla është një nga pikat kryesore të hyrjes për emigrantët dhe refugjatët që kërkojnë të kalojnë në territorin evropian nga Maroku.

Të paktën 1 mijë e 155 nga ata që qeveria spanjolle i quajti emigrantë pa dokumente kanë kaluar kufirin tokësor këtë vit deri më 15 tetor, sipas të dhënave të ministrisë së brendshme spanjolle.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.