![](https://albanianpost.com/wp-content/uploads/2021/12/Nafta.gif)
Fadil Berjani, kryetar i Shoqatës së Naftëtarëve të Kosovës, ka paralajmëruar se nga java e ardhshme do të ketë ulje të çmimit të derivateve në Kosovë.
Ai në një prononcim për Albanian Post, ka njoftuar se rënia veçse ka filluar por e njëjta do të vërehet nga java e ardhshme, dhe sipas tij, deri në fundin e vitit çmimet do të jenë si më parë.
“Rënia e çmimeve të naftës ka filluar. OPEC-u ka njoftuar se rënia e çmimit të naftës do të bëhet nga janari, por tek vërehet qysh tash një rënie e lehtë. Deri fundin e vitit do të jenë sikur më parë ashtu siç ka qenë në muajin shtator diku 1.15 eventualisht 1.16 euro për litër”, është shprehur ai.
Sipas tij, aktualisht çmimi i naftës në Kosovë variojnë ndërmjet 1.19 ose 1.20 euro nafta, benzina 1.23 deri në 1.30.
Ndërkohë, ai potencoi se sa i përket çmimeve në rajon, në Kosovë çmimet janë më të lirat.
“Në Shqipëri një litër dizel sillet 1.25 euro kurse benzina 1.50. Ndërkaq Serbia, Bosnja dhe Mali i Zi janë më shtrenjtë, përveç Maqedonia e Veriut që i ka taksat për dizel 44 centë më të ultë kurse benzinën e ka sikurse ne”, shtoi ai.
![](https://albanianpost.com/wp-content/uploads/2021/12/Fadil-Berjani-4-1024x576.jpg)
“Sa i përket shportës së qytetarëve, kanë thënë më herët se shkaku i derivateve janë rritur, na është imponuar edhe rritja. Kjo nuk është e vërtetë. Mendoj se marketet e mëdha janë duke abuzuar me produktet ushqimore”.
“Rasti konkret në vitin 2020 e kemi pasur çmimin e naftës 75 centë kurse 80 dizeli”, ka thënë Berjani.
Ndërkaq, Berjani shtoi rastin se edhe në vitin 2019 ka qenë çmimi më i lartë por që ka zgjatur vetëm një javë, dhe siç theksoi ai marketet nuk i zbritën çmimet ani pse çmimi i derivateve ishte ulur.
“Për dhjetë vitet e fundit, çmimi më të lartë nuk kemi pasur. Çmimi më i lartë ka qenë edhe në kohën e ish-kryeministrit Haradinaj, ka qenë 1.28 euro dizeli, por kjo ishte e imponuar nga OPEC (Organizata e Shteteve Naftë-Eksportuese)”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet