Kombëtarja gjermane e futbollit e ka nisur më së miri aventurën në Euro 2024 teksa ka mundur me shifrat e thella 5-1 Skocinë.
“Allianz Arena” ishte dëshmitare e një sfide të dominuar nga fillimi deri në fund nga “Panzerat”.
Plani i Julian Nagelsmann-it funksionoi që në fillim, edhe nëse minutat e para sigurisht u karakterizuan nga nervozizmi.
Florian Wirtz realizoi menjëherë për 1-0 me gjuajtjen e tij të parë nga 16 metra (10’).
Goditja e Wirtz pas 9 minutash e 54 sekondash është goli i dytë më i shpejtë i hapjes në një turne Euro, pas Giorgios Karagounis për Greqinë në 2004 (5:57).
Ylli i Bayer Leverkusen është lojtari i tretë gjerman që shënon golin e parë në një kampionat evropian pas Gerd Muller në 1972 dhe Karl-Heinz Rummenigge në 1980.
Gjermanët ishin të shpejtë, “helmues” dhe absolutisht të pakapshëm në çdo situatë.
Skocezët nuk dolën me një sulm të vetëm të rëndësishëm, ndërsa skuadra e Nagelsmann nuk la asnjë mundësi të shpëtonte dhe realizoi për 2-0 me Jamal Musiala (19’).
Me Wirtz dhe Musiala (të dy 21 vjeç), Gjermania është bërë skuadra e parë që ka dy lojtarë të moshës 21 ose më të rinj që shënojnë për ta në të njëjtën ndeshje në Euro.
Pak para pushimit, Ryan Porteous u përjashtua me karton të kuq për një faull brutal ndaj Ilkay Gundogan, pas së cilës u akordua 11 metërsh dhe Kai Havertz rriti rezultatin në 3-0.
Porteous bëhet lojtari i parë që përjashtohet në debutimin e tij në Euro që nga Aleksandar Dragovic për Austrinë kundër Hungarisë në vitin 2016, dhe është lojtari i parë skocez që merr një karton të kuq të turneut të madh (Kupa e Botës/Euro) që nga Craig Burley kundër Marokut në Kupa e Botës 1998.
Me rezultatin e pjesës së parë Gjermania u bë vetëm skuadra e dytë që shënoi tre ose më shumë gola në pjesën e parë të një ndeshjeje Euro. Franca është e vetmja skuadër tjetër që e ka bërë këtë, të cilën e ka arritur në dy raste (3-0 kundër Belgjikës në 1984 dhe 4-0 kundër Islandës në 2016).
Për skocezët u bë çdo gjë më e vështirë. Këtë e tregoi edhe pjesa e dytë.
Niclas Fullkrug, i futur në fushë vetëm pesë minuta më herët, realizoi golin e katërt për gjermanët (68′).
Ylli i Borussia Dortmund-it do të realizonte një tjetër gol pak minuta më vonë, por VAR do të ndërhynte për një pozicion jashtë loje të sulmuesit gjerman.
Antonio Rudiger do të ishte i pafat në minutën e 87 teksa një devijim i topit me kokë nga mbrojtësi i Real Madrid-it do të përfundonte në portën e mbrojtur nga Manuel Neuer.
Megjithatë, ylli tjetër i Dortmund-it, Emre Can tha fjalën e fundit në këtë ndeshje. Turko-gjermani realizoi për 5-1 me një gjuajtje të bukur nga jashtë zone.
Statistika interesante
Gjermania u bë skuadra e shtatë e ndryshme që shënon të paktën 5 gola në një ndeshje të vetme Euro pas Danimarkës, Francës (dy herë), Holandës, Spanjës (dy herë), Suedisë dhe Jugosllavisë.
Manuel Neuer bëri fillimin e tij të 35-të në një turne të madh ndërkombëtar sonte, më së shumti nga çdo lojtar gjerman. Në të vërtetë, vetëm Cristiano Ronaldo (43) dhe Paolo Maldini (36) kanë më shumë mes lojtarëve evropianë në Kupën e Botës/Euro të kombinuara.
Thomas Muller u fut në fushë gjatë pjesës së dytë. Kjo ishte paraqitja e tij e 130-të, e cila e lidh atë me Lukas Podolski për paraqitjen e tretë më të madhe ndonjëherë për Gjermaninë. Vetëm Lothar Matthaus (150) dhe Miroslav Klose (137) kanë më shumë.
Toni Kroos realizoi 99% të pasimeve ndaj Skocisë (101/102), shkalla më e lartë rekord (që nga viti 1980) nga çdo lojtar që ka tentuar mbi 100 pasime në një lojë në Euro.
Skocia ka pranuar pesë gola në një ndeshje për herë të parë që nga miqësorja kundër SHBA-ve në maj 2012 (1-5), dhe e para në një ndeshje konkurruese që nga nëntori 2003 në një ndeshje kualifikuese për Euro kundër Holandës (0-6).
Notat e Lojtarëve (sipas ‘Sofascore’)
Jamal Musiala shpallet ‘Lojtari i Ndeshjes’
Ylli i Bayern Munich dhe Gjermanisë, Jamal Musiala u shpall “Lojtari i Ndeshjes”.
21-vjeçari realizoi një gol dhe pati 100% pasime të saktë (32/32) ndër të tjera.
The star of the show 🌟@Vivo_GLOBAL | #EUROPOTM pic.twitter.com/ya6OZxw6BV
— UEFA EURO 2024 (@EURO2024) June 14, 2024
Statistikat e ndeshjes
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
