Aplikacioni Google Maps thjeshtëzon udhëtimin e përdoruesëve të tij duke u lejuar të paguajnë direkt nga aplikacioni parkimin ose transportin publik prej telefonit.
Agjensia e lajmeve, CNN, shkruan se përdoruesit mund të lidhin llogaritë e tyre të Google Maps-it me kushtet e Google Play-it dhe të kryejnë pagesa të lidhura me transportin pa e lënë aplikacionin. Kjo do të mundësojë që njerëzit të kursejnë kohë dhe të shmangin prekjen e sipërfaqeve të pajisjeve publike çka është me rëndësi gjatë periudhës së pandemisë.
Kompania ka bashkëpunuar me dy ofrues të teknologjisë, Passport dhe ParkMobile, të cilët do të mundësojnë lidhjen e aplikacionit Google Maps me matësit e rrugëve.
Lidhur me funksionimin, gjatë kohës që përdoruesit janë duke përdorur aplikacionin për të shkuar në destinacion, vet Google Maps-i do t’i nxisë ata të paguajnë për parkimin duke adresuar përdoruesin për matësin dhe kohën që do të parkojnë.
“Karakteristikat e reja janë veçse azhurnimi më i fundit i Google Maps-it i cili ka synuar të bëhet më shumë se sa thjesht një vend për të gjetur udhëzime”, thotë CNN.
Vitin e kaluar, në muajin dhjetor, Google-i shtoi mundësinë që bizneset e verifikuara të dërgojnë mesazhe direkte te konsumatorët përmes aplikacionit duke marrë parasysh faktin që një numër i madh kompanish mbështeten te ndërveprimet digjitale për të nxitur shitjet.
“Google Maps-i është një ndihmës i fuqishëm që lejon të përmbushni detyra gjatë gjithë ditës”, ka deklaruar kompania në një postim në blog.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Izraeli sulmon Iranin: Drone mbi bazën ajrore ushtarake në Isfahan
-
5 mijë vizitorë në 3 muaj, Rama: Shqipëria, destinacioni më i sugjeruar
-
Sulmi në Iran, baza dhe prodhimi i raketave: Pse Isfahani është një objektiv
-
Dinari shtyhet në skaje pas “pengmarrjes” së kosovarëve nga “shteti mafioz” i Serbisë