Pagesa e gazit në rubla bie ndesh me kontratën, thotë qeveria gjermane

Ministri gjerman i Ekonomisë Robert Habeck vuri në dukje se kërkesa e Rusisë për vendet e deklaruara “jomiqësore”, të cilat duhet të paguajnë gazin në rubla “bie ndesh me kontratën”.

Lajmi është raportuar nga gjermania “Tagesspiegel”.

“Kërkesa për të paguar në rubla është një shkelje e kontratës. Ne do të konsultohemi me partnerët evropianë se cili do të jetë reagimi ynë”, deklaroi më tej Robert Habek.

Zyrtari gjerman sqaroi se që nga dhjetori është bërë e qartë se Rusia nuk është një partner i besueshëm dhe tani qeveria po kërkon në mënyrë aktive për furnizues alternativë.

Kryetari i komitetit të punëve të jashtme të Bundestag-ut, Norbert Röttgen, tha se masa e Kremlin-it i detyroi kompanitë evropiane të shkëmbejnë euro ose dollarë për rubla përmes bankës qendrore, duke minuar efektivisht sanksionet.

Kancelari gjerman Olaf Scholz deklaroi se ishte e pamundur të ndalohej menjëherë blerja e burimeve të energjisë nga Rusia.

Kjo, sepse kjo do të godiste ekonominë gjermane jo më pak se Rusinë.

Në të njëjtën kohë, tha ai, qeveria do të punojë për të hequr qafe varësinë nga gazi rus.

Pothuajse gjysma e gjermanëve janë gjithashtu kundër një embargoje të menjëhershme të gazit ndaj Rusisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.