“Pa ushtri cilësore asnjë projekt s’është i sigurt”, Kurti fton qytetarët të kontribuojnë në Fondin e Sigurisë
![](https://albanianpost.com/wp-content/uploads/2022/03/ZKP-ZKM-27-11-2021-3.jpg)
Fondi i Sigurisë sipas Kryeministrit të Kosovës, Albin Kurti, do të ndikojë në fuqizimin e nivelit të sigurisë së vendit, prandaj ka kërkuar nga qytetarët e vendit dhe të diasporës të kontribuojnë në këtë drejtim.
Për Kurtin shekulli 21, është shekulli i shtet-ndërtimit dhe se dialektika e historisë së Kosovës ka kaluar nga rezistenca te liri dhe tani nga liria duhet të kaloi në siguri.
“Pa ushtri cilësore dhe pa popull aktiv, asnjë projekt nuk është i sigurt”, ka shkruar Kurti në rrjetin e tij social në Facebook.
Buxheti prej 100 milionë euro i ndarë për Ministrinë e Mbrojtjes sipas Kryeqeveritarit ka qenë më i madhi ndonjëherë, por që ai nuk është i mjaftueshëm.
“I ftoj të gjithë qytetarët e Republikës sonë, së bashku me bashkatdhetarët tanë në diasporë, që të ndajnë thirrjen dhe të kontribuojnë në ngritjen e sigurisë shtetërore”, ka shtuar ai.
![](https://albanianpost.com/wp-content/uploads/2021/12/Armend-Mehaj-2021-Visar-Kadrolli-pics-1.jpg)
“Është e domosdoshme që Ushtria e Kosovës të forcohet. Është e vështirë ta bëjmë këtë vetëm me buxhetin që e kemi”.
Kështu ka deklaruar Ministri i Mbrojtjes, Armend Mehaj, një ditë pas vendimit të Qeverisë së Kosovës për të hapur Fondin e Sigurisë, ku qytetarët mund të deponojnë të holla për të kontribuar për Forcën e Sigurisë së Kosovës.
“Atdheu ynë ka nevojë për ne, jam i bindur që do t’i përgjigjemi pozitivisht siç kemi bërë gjithmonë. Donacioni i secilit është i çmueshëm dhe i pa zëvendësueshëm”, ka shkruar Mehaj në Facebook.
Sipas Mehaj, Fondi i Sigurisë do të menaxhohet nga Ministria e Financave me transparencë dhe llogaridhënie të plotë.
“Ushtria jonë buron nga populli. Ajo i shërben vetëm popullit dhe paqes! Vetëm së bashku mund të arrijmë qëllimin jetik – Ushtrinë tonë moderne dhe të pajisur sipas standardeve të NATO-së”, ka shtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet