Osmani uron Ukrainën në Ditën e Pavarësisë: Në mes të hijeve të një lufte gjenocidale, shpirti i tyre mbetet i pathyer
Presidentja e Kosovës, Vjosa Osmani, ka uruar Ditën e Pavarësisë së Ukrainës duke thënë se shpirti i tyre mbetet i pathyer pavarësisht situatës që gjenden aktualisht.
Osmani përmes një shkrimi në rrjetin social ‘Twitter’ në 32-vjetorin e Pavarësisë situatën aktuale e ka përshkruar “në mes të hijeve të një lufte gjenocidale”.
“Zemra e një kombi rreh brenda popullit të tij dhe në mes të hijeve të një lufte gjenocidale, shpirti i ukrainasve mbetet i pathyer. Nga një tokë e forcës, demokracisë dhe shpresës në tjetrën, i urojmë popullit të guximshëm të Ukrainës Gëzuar Ditën e Pavarësisë”, ka shkruar Osmani.
The heart of a nation beats within its people, and amidst the shadows of a genocidal war, the spirit of Ukrainians remains unbroken.
From one land of strength, democracy, and hope to another, we wish the brave people of Ukraine a Happy Independence Day! 🇽🇰🇺🇦 pic.twitter.com/zjC2rCRRzX
— Vjosa Osmani (@VjosaOsmaniPRKS) August 24, 2023
Po ashtu edhe presidenti i Shqipërisë, Bajram Begaj, ka theksuar se kremtimi i Ditës së Pavarësisë së Ukrainës i jep mundësinë dhe kënaqësinë që edhe në emër të popullit shqiptar t’i përcjellë ukrainasve urimet më të mira e të përzemërta.
“Më lejoni që me këtë rast të shpreh kënaqësinë për marrëdhëniet miqësore midis dy vendeve tona, të cilat këtë vit kremtojnë 30-vjetorin e tyre, por edhe të vlerësoj lidhjen e sinqertë midis dy popujve tanë, falë edhe diasporës së hershme shqiptare në Ukrainë”.
Presidenti shprehet se këtë 30-vjetor, si shenjë e dëshirës dhe e vullnetit për të qenë sa më pranë Ukrainës dhe për të intensifikuar më tej bashkëpunimin, Shqipëria ka vendosur ta ngrejë nivelin e pranisë së saj diplomatike në Kiev.
Më 23 gusht, katër persona u vranë në një valë sulmesh ruse në rajonet verilindore dhe jugore të Ukrainës që dëmtuan gjithashtu objektet e eksportit të drithërave.
Katër mësues u vranë në Romny, një qytet në rajonin verilindor Sumy në kufi me Rusinë, në një sulm me raketa që shkatërroi një shkollë.
Sulmet nga agresioni rus në Ukrainë nisën në vitin 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen
-
Mujanoviç: S’ka asnjë argument logjik, ligjor apo politik për ta mbajtur Kosovën jashtë Këshillit të Evropës
-
“Borrell i vendosi masa Kosovës pa një vendim të Këshillit Evropian, ndërsa tash kërkon konsensusin e 27-të vendeve anëtare”
-
Nëntë persona të tjera pranohen në procesin gjyqësorë ndaj ish krerëve të UÇK-së
Lajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen