Osmani takon përfaqësuesin e Papa Françeskut për Kosovën, flasin për thellimin e bashkëpunimit për paqe
Presidentja e Kosovës, Vjosa Osmani-Sadriu, takoi të enjten Delegatin Apostolik të Selisë së Shenjtë për Kosovën, Jean Marie Speich, me të cilin bisedoi për thellimin e raporteve mes të dyja vendeve, posaçërisht pas themelimit të Misionit të Posaçëm të Kosovës në Vatikan në fillim të këtij viti – rreth pesëmbëdhjetë vjet pas shpalljes së pavarësisë.
Në komunikatën për shtyp të Presidencës së Kosovës bëhet e ditur se presidentja Osmani shprehu mirënjohjen e popullit dhe institucioneve kosovare për kujdesin që Selia e Shenjtë dhe Papa Françesku, kanë treguar në vazhdimësi ndaj Kosovës. Ajo shtoi se Kosova është e përkushtuar që ta thellojë bashkëpunimin tradicional me Selinë e Shenjtë.
“Themelimi i misionit është rezultat i angazhimit tonë të përbashkët për afrimin e vendeve tona dhe thellimin e bashkëpunimit të përbashkët për paqe”, deklaroi presidentja Osmani, ndërsa në mënyrë të veçantë e falënderoi nuncin Speich mbi angazhimin e tij për përparimin e vazhdueshëm të marrëdhënieve mes Selisë së Shenjtë dhe Kosovës.
Ndërkaq, në bazë të komunikatës, nunci Speich e falënderoi presidenten Osmani për pritjen dhe u shpreh i lumtur që raportet e Selisë së Shenjtë me Kosovën janë thelluar ndjeshëm. Ai theksoi ndër të tjera se themelimi i Misionit të Kosovës të Posaçëm të Kosovës në Vatikan është hap i rëndësishëm drejt forcimit të raporteve ndërmjet dy vendeve.
Ky vend ende nuk e ka njohur pavarësinë e Kosovës, ndonëse shteti kosovar ka përfaqësuesin e vet dhe kërkesa për njohje ekziston prej kohësh në Vatikan. Megjithatë, në Selinë e Shenjtë nuk kanë munguar as takimet e herëpasherëshme të Papa Françeskut apo të Sekretarëve të Shtetit me zyrtarë të lartë kosovar, përfshirë kryeminstra, ministra e presidentë të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Jasharaj thotë se Kurti “urdhëroi” Nagavcin mos t’i takojë sindikatat
-
U zgjodh zëvendëspresidente e PL-së, Meta thur lavde për Erisa Xhixhon
-
Kosova në Këshill të Evropës dhe Rezoluta e OKB-së për Srebrenicën – Vukotiç: Përgjigje e Perëndimit ndaj mashtrimeve të Vuçiçit
-
Vetëm SHBA-të mund ta ndalojnë sulmin e Izraelit në Rafah, thotë presidenti palestinez
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritol banesës së gjyqtarit, reagon ministri i Drejtësisë
-
Macron dëshiron të hapë debatin mbi parandalimin bërthamor evropian
-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”