![](https://albanianpost.com/wp-content/uploads/2022/02/auto_2022-02-25_11-30-10-7981645785643.jpg)
Presidentja e Kosovës, Vjosa Osmani, në takime të ndara ka pritur kryetarin e Lidhjes Demokratike të Kosovës, Lumir Abdixhikun, nënkryetaren e Partisë Demokratike të Kosovës, Vlora Çitaku dhe nënkryetarin a Aleancës për Ardhmërinë e Kosovës, Muharrem Nitaj.
Kështu është bërë e ditur nga njoftimi i Presidencës.
“Në këto takime, Presidentja Osmani i ka informuar përfaqësuesit e partive politike për situatën aktuale të sigurisë në vend pas zhvillimeve të fundit të krijuara nga agresioni i Federatës së Rusisë ndaj Ukrainës”.
![](https://albanianpost.com/wp-content/uploads/2022/02/fdgdgb.jpg)
Tutje thuhet, se e para e shtetit i informoi partitë opozitare për masat e ndërmarra nga institucionet e Kosovës, veçanërisht ato të sigurisë si dhe për koordinimin e plotë me partnerët ndërkombëtarë.
Po ashtu, Osmani “ka falënderuar partitë opozitare për bashkëpunimin si dhe për qëndrimin e unifikuar në përballje me situatën e krijuar”.
![](https://albanianpost.com/wp-content/uploads/2022/02/thumbnail_2022-02-25_11-29-37-707.jpg)
Më 25 shkurt, pas sulmeve të Rusisë në Ukrainë, Qeveria e Kosovës ka vendosur sanksione ndaj Rusisë.
Ky vendim u mor gjatë mbledhjes së ekzekutivit, të premten e 25 shkurtit.
Kryeministri i Kosovës, Albin Kurti, ka thënë se këto sanksione janë marrë duke iu bashkëngjitur vendeve partnerë, si Shtetet e Bashkuara të Amerikës (SHBA) dhe Bashkimi Evropian (BE).
“Sot ditën po e fillojmë duke iu bashkëngjitur partnerëve tanë, në kundërpërgjigje ndaj agresionit ushtarak të Rusisë duke miratuar një pako sanksionesh ndaj saj. Nuk është hera e parë që Kosova i vë sanksione Federatës Ruse”, ka thënë Kurti para kabinetit qeveritar.
Sakaq, ishte ministrja e Punëve të Jashtme, Donika Gërvalla, e cila bëri të ditur se masat ndërshkimore përfshijnë sanksionet ekonomike dhe financiare të vendosura nga Këshilli i BE-së dhe SHBA-ja.
“Sanksionet përfshijnë ngrirjen e aseteve të bankave, institucioneve financiare dhe individëve, ndalimi i qasjes së tyre në tregje financiare dhe masa të tjera restriktive që shenjtërojnë ndërmarrjet e rëndësishme ruse, elitat dhe akterët politike të përfshirë në marrjen e vendimit për invadimin rus në Ukrainë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet