Osmani takon kryeministrin britanik, flasin për rajonin

Presidentja e Kosovës, Vjosa Osmani, është takuar me kryeministrin britanik, Rishi Sunak në Komunitetin Politik Evropian.

Me Snuk, Osmani tha se biseduan për zhvillimet e fundit në rajon dhe bashkëpunimin mes Kosovës e Britanisë.

“Shprehim mirënjohjen tonë për mbështetjen e qëndrueshme të Mbretërisë së Bashkuar dhe përkushtimin tonë të vazhdueshëm për të vazhduar përpjekjet tona të përbashkëta për paqen dhe sigurinë afatgjatë”, ka thënë Osmani.

Takimin e kryeministrit britanik me presidenten e Kosovës e ka publikuar edhe deputetja britanike e cila gjithashtu ka përgjegjësinë e kryetares së komisionit për politikë të jashtme në Britani të Madhe, Alicia Kearns.

Sipas një postimi në rrjetin social Twitter, Kearns ka shkruar se Britania e Madhe ishte një nga vendet e para që njohën pavarësinë e Kosovës.

Ajo shtoi se Britania duhet të vazhdojë të jetë shtet paqeruajtës në të gjitha forumet.

“E kënaqur të shikojë Rishi Sunak dhe presidenten e Republikës së Kosovës, Vjosa Osmani t’i takoj në Komunitetin Politik Evropian”.

“Ne ishim një nga vendet e para që njohëm pavarësinë e Kosovës dhe si mik i Kosovës duhet të përqafojmë rolin tonë të vazhdueshëm si paqeruajtës në të gjitha forumet”, ka shkruar Kearns.

Takimet po zhvillohen në margjinat e samitit të Komunitetit Politik Evropian, që po mbahet në kryeqytetin e Moldavisë, Kishinau.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.