Osmani: Prishtina hap sërish dyert e saj për Forumin e Grave, Paqes dhe Sigurisë – mbahet në muajin prill

Forumi i Grave, Paqes dhe Sigurisë, sërish do të mbahet në Prishtinë në muajin prill.

Lajmin e ka bërë të ditur presidentja e Kosovës, Vjosa Osmani, përmes një shkrimi në rrjetin social ‘X’.

“15-16 Prill 2024, Prishtina do të hapë përsëri dyert e saj për pjesëmarrësit nga e gjithë bota për të adresuar çështjet që ndikojnë drejtpërdrejt në sigurinë dhe mirëqenien e grave dhe vajzave në mbarë botën”, thuhet në shkrimin e Osmanit.

Edicioni i parë i forumit në vitin 2022 i ishte kushtuar trashëgimisë së ish-sekretarit të ShBAS-së, Madeleine Albright.

The Women, Peace and Security Forum is coming back!

On 15-16 April 2024, Prishtina will once again open its doors to participants from around the world to address issues that directly affect the safety and well-being of women and girls around the world. pic.twitter.com/m4ELQrat1S

— Vjosa Osmani (@VjosaOsmaniPRKS) February 26, 2024

Në këtë forum ishin zhvilluar 16 panele, ku do të diskutohet për çështje të ndryshme, për arkitekturën e sigurisë, përfaqësimin e grave, përballjen me të kaluarën, drejtësinë tradicionale, dhunën ndaj grave, fuqizimin ekonomik të grave si dhe tema të tjera.

Ajo po ashtu në hapje të forumit, kishte dekoruar gratë e Ukrainës me gradën presidenciale të meritave.

Me 15.9 për qind të grave të punësuara, Kosova ka nivelin më të ulët të grave në punë, krahasuar me vendet e tjera të Ballkanit Perëndimor.

Sipas një raporti të Bankës Botërore, shkalla e punësimit të grave në Shqipëri në vitin 2019 ka qenë mbi 50 për qind, në Mal të Zi dhe Serbi afro 50 për qind, në Maqedoni të Veriut mbi 40 për qind, ndërsa në Bosnje e Hercegovinë rreth 30 për qind.

Shkalla e përgjithshme e papunësisë në Kosovë është 25.8 për qind.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.