Osmani, kryeministrit suedez: Do të vazhdojmë të punojmë ngushtë për integrimin evropian të vendit
Presidentja e Kosovës, Vjosa Osmani, në kuadër të konferencës kryesore globale për ndryshime klimatike (COP28) në Dubai të Emirateve të Bashkuara Arabe, është takuar me kryeministrin e Suedisë, Ulf Kristersson, me të cilin ka biseduar për integrimin evropian të Kosovës.
“E informova kryeministri suedez Ulf Kristersson për zhvillimet e fundit të sigurisë në rajonin tonë. Ne do të vazhdojmë të punojmë ngushtë me Suedinë për të çuar përpara integrimin evropian të vendit tonë”, ka shkruar Osmani në platformën X.
Gjatë qëndrimit në Dubai, Osmani është takuar edhe me presidenten e Republikës së Sllovenisë, Natasa Pirc Musar, me të cilën ka diskutuar për forcimin e lidhjeve mes dy shteteve.
“Një bisedë e mirë për zhvillimet e fundit dhe përpjekjet tona të përbashkëta për të forcuar lidhjet Kosovë-Slloveni”, potencoi ajo.
Osmani po ashtu është takuar edhe me presidentin e Bullgarisë, Rumen Radev, derisa ka paralajmëruar një vizitë të Radev-it në Kosovë.
“Ne diskutuam edhe për vizitën e tij të ardhshme në Republikën e Kosovës”, njoftoi Osmani.
Osmani gjatë ditës ka takuar edhe presidentin e Emirateve të Bashkuara Arabe, Sheik Mohamed bin Zayed Al Nahyan dhe presidentin e Kenias, William Ruto, me të cilët ka diskutuar për thellimin e raporteve ndërmjet dy shteteve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
-
Turqia zyrtarizon ndalimin e tregtisë me Izraelin
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit