Presidentja e Kosovës, Vjosa Osmani në një takim me delegacionin nga Zyra për Koordinimin e Këshillave Kombëtare Boshnjake, ka kërkuar që të zbatohen të gjitha parimet e nënshkruar në marrëveshjet e Procesit të Berlinit.
Takimin e ka bërë të ditur Zyra e Presidencës, përmes një komunikate për media.
“Presidentja po ashtu theksoi se është e nevojshme të zbatohen të gjitha parimet e nënshkruara në marrëveshjet e Procesit të Berlinit, duke filluar nga liria e lëvizjes”, thuhet në komunikatë.
Ndërsa, kërkoi që të rritet bashkëpunimi mes dy vendeve në fusha të ndryshme.
“Presidentja bëri thirrje për bashkëpunim edhe më të ngushtë, në radhë të parë të natyrës institucionale, ndërmjet Kosovës dhe Bosnje e Hercegovinës, e pastaj ndërmjet mes popullit shqiptar dhe atij boshnjak, për projekte të përbashkëta dhe shkëmbime në fushën e arsimit dhe kulturës”.
Pas gati dy vite negociatash në mes të gjashtë shteteve të Ballkanit Perëndimor më 3 nëntor ishin nënshkruar tri marrëveshje në kuadër të Procesit të Berlinit përmes të cilit jetësohej Tregu i Përbashkët Rajonal.
Marrëveshjet e nënshkruara ishin ato për Lëvizjen e Lirë me Letërnjoftime, për Njohjen e Kualifikimeve të Arsimit të Lartë dhe për Njohjen e Kualifikimeve Profesionale të Mjekëve, Dentistëve dhe Arkitektëve.
Mirëpo, edhe pas këtyre marrëveshjeve shqiptarët e Kosovës s’kishin mundur të udhëtojnë me karta të identitetit për në Bosnje e Hercegovinë derisa Marrëveshja për Lëvizje të Lirë, e nënshkruar në kuadër të Procesit të Berlinit më 3 nëntor, nuk ratifikohej në kuvendet respektive të dy shteteve.
Ndonëse nënshkrimi i kësaj marrëveshjeje ishte cilësuar si akt i kryer, situata në terren ishte krejt ndryshe para liberalizimit të vizave.
Kjo pasi që kosovarëve nuk po u mundësohej të udhëtonin për në Bosnjë e Hercegovinë – dhe anasjelltas – pas 3 nëntorit të vitit 2023, derisa qeveritë e të dy vendeve nuk plotësonin disa kritere teknike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it
-
Abdixhiku kërkon vota për politikanin gjerman në prag të zgjedhjeve evropiane
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës