Presidentja e Kosovës, Vjosa Osmani, në seancën solemne të Kuvendit të Kosovës për shënimin e 25 vjetorit të Betejës së Koshare, potencoi se 25 vjet më parë Kosova ishte në një udhëkryq ekzistencial i krijuar nga padrejtësia, shtypja, tirania, por mbi të gjitha nga tendenca e “regjimit gjenocidial të Serbisë për shfarosje të popullit tonë”.
“Megjithatë si popull e komb ditëm të mobilizohemi të gjithë në një front të përbashkët”.
“Sot jemi këtu për të nderuar guximin dhe përkushtimin e vajzave e djemve të UÇK-së të cilët dëshmuan shpirtin dhe guximin e paepur për lirinë tonë për republikën tonë”.
Në vlerësimin e Osmanit, guximi, sakrifica dhe vendosmëria “përmblidhen edhe në Betejën e Koshares”.
“Ishte më shumë se një rezistencë, ishte një kryengritje civile për lirinë si të drejtë themelore e cila pastaj vuri bazat për ekzistencën e armatosur të udhëhequr nga mijëra çlirimtarë të cilët i dolën zotë atdheut”.
Rezistencës së armatosur së UÇK-së, sipas Osmanit, i parapriu rezistenca paqësore e udhëhequr nga presidenti historik, Ibrahim Rugova.
“Kjo rezistencë ka bashkuar shqiptarët drejt kauzës për liri e demokraci. Kjo shënoi kthesë si rezistenca paqësore me ndikimin më të madh, jo vetëm me bashkimin e shqiptarëve, por edhe ndërtimin e aleancave. Ishte më shumë se rezistencë. Ishte një kryengritje civile për lirinë si të drejtë themelore”.
“Filozofia e mbrojtjes së pragut të shtëpisë u transformuar në mbrojtje të përgjithshme të shtëpisë tonë të përbashkët, Kosovës. Adem Jashari i priu luftës në mbrojtje të dinjitetit e luftës tonë për liri. Ata janë flakadanë të lirisë që gëzojmë sot”.
Pas betejës së Loxhës më 1998, sipas Osmanit, disa prej njësiteve të UÇK-së të fuzionuara u bashkuan në betejën e Koshares, që shënoi një prej betejave më të suksesshme përballë regjimit gjenocidal të Serbisë.
“Salih Çekaj, Agim Ramadani, Anton Quni e të tjerë, arritën ta thyejnë kufiri shqiptaro-shqiptar. Agim Ramadani, komandant Katana me emrin e të cilit u pakëzua brigada. Rënia e komandantit shtoi motivin e vendosmërinë që ideali e amaneti i tij bashkëluftëtarët ta çojnë deri në fund”.
Luftëtarët e UÇK-së në Koshare, potencoi Osmani, dëshmuan shpirtin vetmohues e përkushtimin për t’i dhënë gjithçka atdheut.
“Edhe jetën e tyre. Përkrahë aleatëve tanë, me në krye Amerikën, luftëtarët tanë përmbushën misionin për Kosovën e lirë. Kosharja shpërfaqë qëndrueshmërinë për liri”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel