Përkeqësimi i motit në Shqipëri ka sjellë një situatë jo të qëndrueshme edhe për sa i përket rrjetit të furnizimit me energji elektrike, ku një sërë defektesh janë raportuar gjatë ditës, por sipas Operatorit të Shpërndarjes së Energjisë Elektrike, 90% e tyre janë tashmë të rregulluara.
Në një njoftim zyrtar, bëhet me dije se 2 mijë e 100 punonjës janë në terren për të siguruar mirëfunksionimin e rrjetit të shpërndarjes.
Në orët e para të mëngjesit, kanë qenë 27 fidra të dalë nga funksioni. Ndërsa, në njoftimin e pasdites, OSHEE bëri me dije se vetëm tre prej tyre tashmë janë në gjendje avarie.
Puna po vijon intensivisht, pavarësisht motit të vështirë. Energjia është rikthyer në 73% të konsumatorëve të prekur nga defektet, por ka ende problematika në zona të thella rurale.
Sakaq, situata sillet si e përmirësuar në gjithë vendin, ndërsa një zgjidhje përfundimtare e problemeve priten në disa zona.
Ato më të prekurat janë Peshkopia dhe një pjesë e Elbasanit, ku reshjet e borës kanë sjellë probleme.
Ndërkohë që aty ku u paraqitën problemet e para, në Rrajcë-Hotolisht, Kurbnesh, Farkë, Smokthinë e Kardhiq, energjia është rikthyer.
Zgjidhje kanë marrë edhe problemet në hidrovorët e Gocaj dhe Grugë Zezë, në Lezhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Iraku thotë se nuk ka pasur dronë apo avionë në fluturim, kur baza ushtarake është goditur
-
O’Brien: Do bëjmë gjithçka që të themelohet Asociacioni, Kosova ka premtuar
